പതിനൊന്നാം വയസ്സിൽ ബാലതാരമായി തുടക്കം: ഒരേ നായകന്റെ അമ്മയായും ഭാര്യയായും കാമുകിയായും അഭിനയിച്ച നടി; ആരാണ് അവർ!

വെള്ളിത്തിരയിൽ വർഷങ്ങളോളം നിന്നശേഷം സിനിമയിൽ നിന്ന് പൂർണമായും അപ്രത്യക്ഷമായ നിരവധി നടിമാരെ നാം കണ്ടിട്ടുണ്ട്. അവരിൽ ചിലർ വർഷങ്ങൾക്ക് ശേഷം തിരിച്ചുവരവ് നടത്തുകയും പിന്നീട് സിനിമയിൽ സജീവമായി തുടരുകയും ചെയ്തിട്ടുണ്ട്. അതിന് ഉദാഹരണമാണ് നടി മഞ്ജു വാര്യരുടെ കരിയർ. ഇപ്പോൾ അത്തരത്തിൽ സിനിമയിലേക്ക് തിരിച്ചുവരവ് നടത്തിയ ഒരു നടിയുടെ വിശേഷങ്ങൾ നോക്കാം.

നടി തബുവിനെ (Tabu) അറിയാത്തവരായി ആരും ഉണ്ടാവില്ല. തബസ്സും ഫാത്തിമ ഹാഷ്മി (Tabassum Fatima Hashmi) എന്നാണ് നടിയുടെ പൂർണ നാമം. തമിഴിൽ അജിത്ത് നായകനായ 'കണ്ടുകൊണ്ടൈൻ കണ്ടുകൊണ്ടൈൻ' എന്ന ചിത്രത്തിലെ തബുവിന്റെ അഭിനയം ഏറെ ശ്രദ്ധിക്കപ്പെട്ടിരുന്നു. അതുപോലെ മലയാളത്തിൽ മോഹൻലാൽ നായകനായി എത്തിയ കാലാപാനി, രാക്കിളിപ്പാട്ട്, ഉറുമി എന്നീ ചിത്രങ്ങളിലും നടി അഭിനയിച്ചിട്ടുണ്ട്. തന്റെ പതിനൊന്നാം വയസ്സിലാണ് തബു സിനിമയിൽ ബാലതാരമായി അരങ്ങേറ്റം കുറിക്കുന്നത്. 1982 ൽ പുറത്തിറങ്ങിയ 'ബസാർ' ആണ് തബുവിന്റെ ആദ്യ ചിത്രം.

തെലുങ്ക് സിനിമയിലാണ് തബു ആദ്യമായി നായികയായി അഭിനയിച്ചത്. 'കൂലി നമ്പർ 1 ' എന്ന ചിത്രത്തിൽ നടൻ വെങ്കിടേഷ് ആയിരുന്നു തബുവിന്റെ നായകൻ. ഈ ചിത്രം ബോക്സ്ഓഫീസിൽ വലിയ വിജയം നേടുകയും ഇതുവഴി താരം ബോളിവുഡിൽ എത്തുകയും ചെയ്തു.

ബോണി കപൂർ സംവിധാനം ചെയ്ത ചിത്രത്തിലാണ് തബു ബോളിവുഡിൽ ആദ്യമായി അഭിനയിച്ചത്. സഞ്ജയ് കപൂർ ആയിരുന്നു ആ ചിത്രത്തിലെ നായകൻ. എന്നാൽ ചില സാങ്കേതിക തടസങ്ങൾ കാരണം ചിത്രത്തിന്റെ റിലീസ് വൈകി. തുടർന്ന് 1994 ൽ പുറത്തിറങ്ങിയ 'ബീല ബീല പ്യാർ' എന്ന ചിത്രത്തിലൂടെ നടി ബോളിവുഡ് സിനിമയിൽ നായികയായി.

നടി സിനിമ ലോകത്തെ മുൻനിര നായകന്മാർക്കൊപ്പം അഭിനയിച്ചിട്ടുണ്ട്. അജയ് ദേവ്ഗണിനൊപ്പം ചെയ്ത വിജയ്പഥ് എന്ന ചിത്രം വലിയ വിജയമായിരുന്നു. അതിനുശേഷം ഏതാണ്ട് 20 വർഷത്തോളം നടി സിനിമ മേഖലയിൽ മുൻനിര നായികയായി പ്രവർത്തിച്ചിട്ടുണ്ട്. അമിതാഭ് ബച്ചൻ, ഷാരൂഖ് ഖാൻ, സൽമാൻ ഖാൻ, അജയ് ദേവ്ഗൺ, മോഹൻലാൽ, അജിത്ത് തുടങ്ങി തുടങ്ങിയവർക്കൊപ്പം നടി സ്ക്രീൻ പങ്കിട്ടിട്ടുണ്ട്.

പക്ഷെ തബു ഒരു നായകന്റെ തന്നെ അമ്മ, ഭാര്യ, കാമുകി എന്നീ മൂന്ന് വേഷങ്ങളിൽ അഭിനയിച്ചിട്ടുണ്ട്. അത് ബാലയ്യ എന്നറിയപ്പെടുന്ന നടൻ നന്ദമുരി ബാലകൃഷ്ണയായിരുന്നു. തെലുങ്ക് സിനിമയിലെ മുൻനിര നടനായ ബാലയ്യ തബുവിനൊപ്പം നിരവധി സിനിമകളിൽ പ്രവർത്തിച്ചിട്ടുണ്ട്.

2022 ൽ വി.വി. വിനായക് സംവിധാനം ചെയ്ത ചെന്നകേശവ റെഡ്ഡി എന്ന ചിത്രത്തിൽ ബാലയ്യ രണ്ട് വേഷങ്ങളിൽ എത്തിയിരുന്നു. ഇതിൽ ബാലയ്യയുടെ അമ്മയായും ഭാര്യയായും തബു ഇരട്ട വേഷത്തിൽ അഭിനയിച്ചു. കെ. രാഘവേന്ദ്ര റാവു സംവിധാനം ചെയ്ത ബയോപിക് ചിത്രമായ പാണ്ടുരങ്കാഡിൽ നടന്റെ കാമുകിയുടെ വേഷത്തിലും നടി എത്തി. ഇതോടെ രണ്ട വ്യത്യസ്ത ചിത്രങ്ങളിലൂടെ ഒരേ നടന്റെ അമ്മയായും ഭാര്യയായും കാമുകിയായും അഭിനയിക്കാൻ തബുവിന് കഴിഞ്ഞു.