'അമ്മയെപ്പൊലെ തന്നെ'; ഉര്‍വശിയെ കാണാന്‍ കുഞ്ഞാറ്റയെത്തി; മകള്‍ക്കൊപ്പമുള്ള ചിത്രങ്ങള്‍ പങ്കുവെച്ച് നടി

അതിശയിപ്പിക്കുന്ന അഭിനയപാടവത്തിലൂടെ മലയാള സിനിമ പ്രേക്ഷകര്‍ക്ക് പ്രിയങ്കരിയായ നടിയാണ് ഉര്‍വശി. ചെറുപ്പത്തിലെ  സഹോദരിമാരായ കല്‍പ്പനക്കും കലാരഞ്ജിനിക്കുമൊപ്പം സിനിമയിലെത്തിയ ഉര്‍വശി തമിഴിലും ശ്രദ്ധേയമായ പ്രകടനം കാഴ്ചവെച്ചു.

ഇപ്പോഴിത മകള്‍ കുഞ്ഞാറ്റ എന്ന തേജ ലക്ഷ്മിക്കൊപ്പമുള്ള ഉര്‍വശിയുടെ ചിത്രങ്ങളാണ് സോഷ്യല്‍ മീഡിയയില്‍ വൈറലാണ്. നടന്‍ മനോജ് കെ ജയന്‍റെയും ഉര്‍വശിയുടെയും മകളാണ് തേജ ലക്ഷ്മി.

വിദേശത്ത് പഠിക്കുന്ന തേജ ലക്ഷ്മി അമ്മക്കൊപ്പം അവധി ആഘോഷിക്കാനാണ് നാട്ടിലെത്തിയത്.

ഭര്‍ത്താവ് ശിവന്‍ മകന്‍ ഇഷാന്‍ എന്നിവര്‍ക്കൊപ്പമുള്ള കുഞ്ഞാറ്റയുടെ ചിത്രങ്ങള്‍ ഉര്‍വശി തന്നെയാണ് ഇന്‍സ്റ്റഗ്രാമില്‍ പങ്കുവെച്ചത്. 

അമ്മയെയും മകളെയും വീണ്ടും ഒരുമിച്ച് ചിത്രങ്ങളിലൂടെ കണ്ടതിലെ സന്തോഷം ആരാധകരും മറച്ചുവെച്ചില്ല. വീണാ നായര്‍, ബീനാ ആന്‍റണി, ആര്‍ജെ മിഥുന്‍ തുടങ്ങിയ സിനിമരംഗത്തുള്ളവരും ഫോട്ടോയ്ക്ക് കമന്‍റമായെത്തി.

2008ലാണ് നടന്‍ മനോജ് കെ ജയനും ഉര്‍വശിയും വേര്‍പിരിയുന്നത്. 2013ല്‍ ചെന്നൈയില്‍ ബില്‍ഡറായ ശിവപ്രസാദും ഉര്‍വശിയും വിവാഹിതരായി. ഇവരുടെ മകനാണ ് ഇഷാന്‍. 

2011ല്‍ മനോജ് കെ.ജയനും വീണ്ടും വിവാഹിതനായിരുന്നു. ഭാര്യ ആശയും മകൾ ശ്രേയയും യുകെയിലാണ് താമസം.