Amrutha Suresh|'14 വർഷത്തെ വേദനകൾക്ക് ശേഷം സന്തോഷമുള്ള ഒരു ദിനം'; ഒപ്പം നിന്നവർക്ക് നന്ദി പറഞ്ഞ് അമൃതയുടെ അമ്മ

ജീവിതത്തിലെ എല്ലാ സന്തോഷങ്ങളും ദുഃഖങ്ങളും സോഷ്യൽമീഡിയയിൽ പങ്കുവയ്ക്കുന്ന ​ഗായികയാണ് അമൃത സുരേഷ് (Amrutha Suresh). ഏതാണ്ട് ഒരു വർഷത്തിന് ശേഷം അമ്മയ്ക്കും മകൾക്കും സഹോദരി അഭിരാമിക്കുമൊപ്പം വീഡിയോയുമായി എത്തിയിരിക്കുകയാണ് താരം. കുടുംബത്തിൽ എല്ലാവരുമൊത്ത് ദീപാവലി ആഘോഷിക്കുന്നതിനെ കുറിച്ചാണ് മൂവരും വീഡിയോയിൽ പറയുന്നത്.

വർഷങ്ങൾ നീണ്ട ദുഃഖങ്ങൾക്ക് ശേഷം സന്തോഷത്തോടെയുള്ള ഒരു ദീപാവലി ദിനമെന്നാണ് താരം വീഡിയോയിൽ പറയുന്നത്. അമൃതയും അഭിരാമിയും കുഞ്ഞുനാൾ മുതലുള്ള ദീപാവലി വിശേഷങ്ങളും വ്ലോ​ഗിലൂടെ പറഞ്ഞിരുന്നു.

വീട്ടിൽ ദീപങ്ങൾ തെളിയിച്ചും അലങ്കരിച്ചും മധുരം കഴിച്ചുമാണ് അമൃതയും അഭിരാമിയും മകൾ പാപ്പു എന്ന അവന്തികയും അമ്മ ലൈലയും ചേർന്ന് ദീപാവലി ആഘോഷിച്ചത്. ആഘോഷങ്ങൾക്കിടയിൽ ജീവിതത്തിലെ മാറ്റങ്ങളെ കുറിച്ചും സഹോദരിമാർ സംസാരിച്ചു.

നീണ്ട 14 വർഷത്തെ വേദനകൾ മറികടന്ന് അല്പം സന്തോഷത്തിലേക്ക് എത്തിയെന്നും ഉപദ്രവങ്ങളൊന്നും ഇല്ലാതെ സമാധാനമുള്ളൊരു ദീപാവലിയാണ് കടന്നു പോയതെന്നുമാണ് അമൃത വീഡിയോയിൽ പറഞ്ഞത്. തങ്ങളെ മനസിലാക്കി ഒപ്പം നിന്നതിന് അമ്മ ലൈല പ്രേക്ഷകരോട് നന്ദി പറഞ്ഞു.

കഴിഞ്ഞ കുറച്ചു കാലങ്ങളായി കടുത്ത മാനസികാഘാതങ്ങളിലൂടെയാണ് കടന്നുപോയികൊണ്ടിരുന്നത്. മനസ്സിനെ തിരിച്ചുപിടിക്കാനുള്ള ശ്രമങ്ങൾ നടത്തുകയാണെന്നും എത്രയും പെട്ടെന്ന് പഴയ സന്തോഷങ്ങളിലേക്കു മടങ്ങി വരുമെന്നും അമൃത സുരേഷ് വീഡകിയോയിൽ പറഞ്ഞു. ദുഃഖങ്ങളൊക്കെ അകറ്റി എല്ലാവരുടെയും ജീവിതത്തിൽ ദീപങ്ങളുടെ വെളിച്ചം തെളിയട്ടെ എന്നു പറഞ്ഞുകൊണ്ടാണ് അമൃത വീഡിയോ അവസാനിപ്പിച്ചത്.