Malaika Arora | ഇല്ലാ ഇല്ല പിരിഞ്ഞിട്ടില്ല; മലൈകയുടെ 50-ാം ജന്മദിനത്തിന് അർജുൻ കപൂറിന് പറയാനുണ്ട് ചിലത്

നാല് വർഷങ്ങൾ പ്രണയിച്ച ശേഷം നടി മലൈക അറോറയും (Malaika Arora) കാമുകൻ അർജുൻ കപൂറും (Arjun Kapoor) വേർപിരിയുന്നുവെന്ന വാർത്ത കുറച്ചുനാളുകൾക്ക് മുൻപ് കോളിളക്കം സൃഷ്‌ടിച്ചു കൊണ്ടാണ് പുറത്തുവന്നത്. അതെല്ലാം കാറ്റിൽപ്പറത്തി മലൈകയുടെ 50-ാം ജന്മദിനത്തിന് അർജുൻ കപൂർ പോസ്റ്റ് ചെയ്ത ചിത്രത്തിലെ വാക്കുകൾ ഇപ്പോൾ ശ്രദ്ധനേടുകയാണ്

രണ്ടുപേരും നൃത്തം ചെയ്യുന്ന ഒരു ചിത്രമാണ് പോസ്റ്റ് ചെയ്യപ്പെട്ടത്. ഒരു കൈകൊണ്ടു മലൈകയെ ചുറ്റിപ്പിടിച്ച അർജുൻ കപൂറിനെ കാണാം. നാണത്തോടെ പുഞ്ചിരിക്കുന്ന മലൈകയാണ് ചിത്രത്തിൽ. ഒരു വൈറ്റ് ലെഹങ്കയാണ് മലൈകയുടെ വേഷം (തുടർന്ന് വായിക്കുക)

'ഹാപ്പി ബർത്ത്ഡേ ബേബി. ഈ ചിത്രമാണ് നമ്മൾ. നീ എനിക്ക് പുഞ്ചിരിയും, സന്തോഷവും വെളിച്ചവും നൽകുന്നു. ഏത് പ്രതിസന്ധിയിലും, നിനക്ക് തുണയായി ഞാനുണ്ടാകും,' അർജുൻ കുറിച്ചു. 'ലവ് യു' എന്നാണ് മലൈകയുടെ പ്രതികരണം

സോഷ്യൽ മീഡിയ ഇൻഫ്ലുവെൻസറായ കുശ കപിലയുമായി അർജുൻ കപൂർ അടുപ്പത്തിലായി എന്ന് റിപ്പോർട്ട് വന്നിരുന്നു. കുശ അടുത്തിടെ ഭർത്താവുമായി വിവാഹമോചനം നേടിയിരുന്നു. അർജുനുമായി പ്രണയത്തിലായി എന്ന കാര്യം കുശ ഇൻസ്റ്റഗ്രാമിൽ നിഷേധിച്ചിരുന്നു

മാറ്റം, പിന്തുണ തുടങ്ങിയ വിഷയങ്ങൾ സംബന്ധിച്ച് മലൈകയുടെ പേജിൽ വന്ന ചില പോസ്റ്റുകൾ സംശയത്തിന് വേഗം കൂട്ടി. 2019ൽ അർജുനിന്റെ പിറന്നാൾ പോസ്റ്റ് മലൈക പോസ്റ്റ് ഇട്ടതോടെയാണ് ബന്ധം പരസ്യമായത്

ഇവരുടെ പ്രായവ്യത്യാസം തന്നെയാണ് വിമർശകരുടെ ആയുധം. 19 വർഷത്തെ വിവാഹ ജീവിതത്തിനു ശേഷം നടൻ അർബാസ് ഖാനുമായി മലൈക ബന്ധം വേർപെടുത്തിയ ശേഷമാണ് അർജുനുമായി അടുത്തത്. അർഹാൻ ഖാൻ മലൈകയുടെ ഏകമകനാണ്