ധനുഷ്, മീന വിവാഹം, ഐശ്വര്യ രജനീകാന്തിന് പ്രഭുദേവയോട് പ്രണയം എന്നൊക്കെ പറയുന്ന ബയൽവാൻ രംഗനാഥനെ പരിചയമുണ്ടോ?

കഴിഞ്ഞ ദിവസം പലരും ഞെട്ടലോടെ കേട്ട കാര്യമാണ് നടി മീന സാഗറും (Meena Sagar) നടൻ ധനുഷും (Dhanush) തമ്മിൽ വിവാഹിതരാകും എന്ന ബയൽവാൻ രംഗനാഥന്റെ (Bayilvan Ranganathan) പരാമർശം. മീനയുടെ ഭർത്താവ് സാഗറിന്റെ മരണശേഷം നടി പലതവണ പുനർവിവാഹിതയാകും എന്ന തരത്തിൽ വാർത്ത പ്രചരിച്ചു. വളരെ മോശം നിലയിലാണ് രംഗനാഥൻ മീനയെയും ധനുഷിനെയും പരാമർശത്തിൽ കൈകാര്യം ചെയ്തത് എന്നതിനാൽ തന്നെ ആരാധകരും വിമർശകരും ഇയാളെ വേണ്ട വിധം കൈകാര്യം ചെയ്താണ് ഓൺലൈൻ സ്‌പെയ്‌സിൽ വിട്ടയച്ചത്

ധനുഷിനെയും മീനയെയും വാക്കുകൾ കൊണ്ട് ആക്രമണം നടത്തിയ ശേഷം രംഗനാഥന്റെ അടുത്ത ലക്‌ഷ്യം ധനുഷിന്റെ ഭാര്യയായിരുന്ന ഐശ്വര്യ രജനികാന്ത് ആണ്. നടി ജിമ്മിൽ പോയി ഇറക്കം കുറഞ്ഞ വസ്ത്രം ഇട്ട് ഫോട്ടോ എടുക്കുന്നതിൽ ആർക്കുമില്ലാത്ത ധാർമിക രോഷമാണ് രംഗനാഥന്. പോരെങ്കിൽ നടൻ പ്രഭുദേവയുമായി ഐശ്വര്യയ്ക്ക് അടുപ്പം എന്നാണ് ഇയാളുടെ മറ്റൊരു വാദം. പ്രഭു മാത്രമല്ല, ഒരു യുവ സംഗീത സംവിധായകനെയും ഉൾപ്പെടുത്തിയിട്ടുണ്ട്. ഇതൊക്കെ പറയാൻ ആരാണ് ഈ ബയൽവാൻ രംഗനാഥൻ? (തുടർന്ന് വായിക്കുക)

യൂട്യൂബ് ചാനൽ വഴി തമിഴ് താരങ്ങളെ അപകീർത്തിപ്പെടുത്തുന്നതാണ് ബയൽവാന്റെ ഹോബി. പ്രമുഖ താരങ്ങൾ ഉൾപ്പെടെ വിമർശിച്ചിട്ടും, ഇയാൾക്ക് ഒരു കുലുക്കവുമില്ല. പോയ വർഷം മെയ് മാസത്തിൽ രംഗനാഥനെതിരെ ഉചിതമായ നടപടി ആവശ്യപ്പെട്ട് നിർമ്മാതാവ് കെ.രാജൻ ചെന്നൈ പോലീസ് കമ്മീഷണറുടെ ഓഫീസിൽ പരാതി നൽകിയിരുന്നു

2022ൽ ഭർത്താവിന്റെ വിയോഗശേഷം ഉയർന്ന ഒരു രണ്ടാം വിവാഹാരോപണത്തിൽ മീന പ്രതികരിച്ചിരുന്നു. തന്റെ സ്വകാര്യത മാനിക്കണമെന്നും, പെട്ടെന്നുണ്ടായ വേർപാടിൽ നിന്നും മുക്തയായിട്ടില്ല എന്നുമായിരുന്നു മീനയുടെ പ്രതികരണം

ഐശ്വര്യ രജനീകാന്തിന് സംഗീത സംവിധായകൻ അനിരുദ്ധ് രവിചന്ദറുമായി അടുപ്പം എന്നാണ് ബയൽവാന്റെ മറ്റൊരു ആരോപണം. പല നടിമാരുമായും അടുപ്പമുണ്ട് എന്ന ആരോപണങ്ങളിൽ സ്ഥിരസാന്നിധ്യമാണ് അനിരുദ്ധ് എന്നത് മറ്റൊരു കാര്യം. അതാവും ബയൽവാനും പരീക്ഷിക്കാൻ തുനിഞ്ഞത്

ആദ്യ ഭാര്യയിൽ നിന്നും വിവാഹമോചനം നേടിയ പ്രഭു ദേവ നടി നയൻ‌താരയുമായി പ്രണയത്തിലായിരുന്നു. എന്നാൽ ഈ ബന്ധം പിരിയുകയും, പ്രഭുദേവ ഫിസിയോ തെറാപ്പിസ്റ്റിനെ വിവാഹം ചെയ്യുകയും ചെയ്തു. പോയവർഷമായിരുന്നു നയൻ‌താര- വിഗ്നേഷ് ശിവൻ വിവാഹം

അടിസ്ഥാനരഹിതമായ രണ്ടാം വിവാഹ ആരോപണങ്ങൾ പലതും ഉയർന്നതിനാൽ എല്ലാത്തിനും പ്രതികരിക്കുന്ന സ്വഭാവമില്ല മീനയ്ക്ക്. ഏക മകൾ നൈനികയും ചലച്ചിത്ര താരമാണ്