Bhavana: 'സ്വയം സുഖപ്പെടുത്താനുള്ള ശക്തമായ വഴി'; ശ്രദ്ധനേടി ഭാവനയുടെ പോസ്റ്റ്

മലയാളികൾ എന്നും നെഞ്ചോട് ചേർത്ത നടിയാണ് ഭാവന. നമ്മൾ എന്ന സിനിമയിൽ പരിമളമെന്ന കഥാപാത്രത്തിലൂടെ വെള്ളിത്തിരയിലെത്തിയ ഭാവനയുടെ യഥാർത്ഥ പേര് കാർത്തിക എന്നാണ്.

ആദ്യ കഥാപാത്രത്തിലൂടെ തന്നെ ഭാവനയക്ക് അഭിനേത്രിയെന്ന നിലയിൽ പ്രേക്ഷക ശ്രദ്ധ നേടാനായി. പിന്നീട് ദിലീപ് ചിത്രമായ തിളക്കത്തിൽ അഭിനയിച്ചു. പിന്നീടങ്ങോട്ട് വളരെ പെട്ടെന്നാണ് ഭാവനയുടെ കരിയർ ​ഗ്രാഫ് ഉയർന്നത്.

2017ലാണ് ഭാവന വിവാഹിതയായത്. കന്നഡ ചലച്ചിത്ര നിർമ്മാതാവ് നവീനാണ് ഭാവനയെ വിവാഹം കഴിച്ചത്. വിവാഹശേഷം സിനിമയിൽ നിന്നും സമൂഹമാധ്യമങ്ങളിൽ നിന്നും ഇടവേളയെടുത്ത താരം ഇപ്പോൾ വീണ്ടും വമ്പൻ തിരിച്ചു വരവാണ് നടത്തിയിരിക്കുന്നത്.

ജീവിതത്തിലെ നിരവധി പ്രതിസന്ധികൾ നേരിട്ട ഭാവന ചങ്കൂറ്റത്തോടെ തന്റെ ജീവിതം നയിക്കുകയാണ്. സോഷ്യൽ മീഡിയയിൽ സജീവമായ താരം ഇപ്പോൾ പങ്കുവെച്ചിരിക്കുന്ന ഒരു പോസ്റ്റാണ് ഇപ്പോൾ‌ ശ്രദ്ധ നേടുന്നത്.

സ്വയം സുഖപ്പെടുത്താനുള്ള ശക്തമായ വഴി യാത്രയാണെന്നാണ് താരം പറയുന്നത്. തന്റെ യത്രകൾക്കിടയിലുള്ള ചിത്രങ്ങൾ പങ്കുവെച്ചുകൊണ്ട് The most powerful way of self-healing #Travelling എന്നാണ് ക്യാപ്ഷൻ നൽകിയിരിക്കുന്നത്.

ചിത്രത്തിനു താഴെ താരത്തിന് ലൈക്കും കമ്മന്റുകളുമായി ആരാധകരും എത്തിയിട്ടുണ്ട്. ഈ ഭാവനയെയാണ് ഞങ്ങൾക്ക് വേണ്ടതെന്നാണ് ഒരു ആരാധകൻ കമ്മന്റ് ചെയ്തിരിക്കുന്നത്.

നിങ്ങൾ എന്നും ഇത്തരത്തിൽ സന്തോഷവതിയായി ഇരിക്കണമെന്നും കമ്മന്റ്. ഭവനയുടെ പോസ്റ്റ് മിനിറ്റുകൾക്കൊണ്ടു തന്നെ ശ്രദ്ധ നേടിക്കഴിഞ്ഞു.