ആന്ധ്രാപ്രദേശിലെ ഈ ​ഗ്രാമത്തിന് 'ദീപാവലി' എന്ന് പേരിട്ടതിനുള്ള കാരണം അറിയുമോ?

ദീപാവലിയ്ക്ക് ഇനി ഏതാനും ദവിവസങ്ങൾ മാത്രമാണ് ബാക്കിയുള്ളത്. ദിപം തെളിയിച്ചും രം​ഗോലി വരച്ചും പടക്കം പൊട്ടിച്ചും രാജ്യത്തിന്റെ വിവിധ ഇടങ്ങളിലുള്ളവർ ദീപാവലി (Diwali )​ ആഘോഷിക്കുന്നുണ്ട്. എന്നാൽ, ദീപാവലി എന്ന് പേരുള്ള ഒരു ​ഗ്രാമം ഇന്ത്യയിലുണ്ട്. ആന്ധ്രാപ്രദേശിലാണ് ഈ ​ഗ്രാമമുള്ളത്.

ആന്ധ്രപ്രദേശിലെ ശ്രീകാകുളം ജില്ലയിലെ ഗരാ മണ്ഡലിലാണ് ദീപാവലി എന്ന പേരിലെ ചെറിയ ​ഗ്രാമമുള്ളത്. പണ്ട് ദീപാവലി എന്നായിരുന്നില്ല, ഈ ​ഗ്രാമത്തിന്റെ പേര്. ഈ ​ഗ്രാമത്തിന് ദീപാവലി എന്ന് പേര് വരാനുള്ള കാരണം എന്താണെന്ന് നോക്കാം...

ഈ ​ഗ്രാമത്തിന് 'ദീപാവലി' എന്നു പേരുവരാനുള്ള കാരണമായി ​ഗ്രാമീണർ പറയുന്നത്. പണ്ട്.... ശ്രീകാകുളത്ത് രാജഭരണം നിലനിന്നിരുന്ന സമയത്ത് ഒരു രാജാവ് ശ്രീകൂർമനാഥ ക്ഷേത്രം സന്ദർശിക്കാൻ ഗ്രാമത്തിലൂടെ കടന്നുപോകുമായിരുന്നു. ഇതിനിടയിൽ രാജാവിന് പെട്ടെന്ന് ബോധക്ഷയം അനുഭവപ്പെട്ടു.

ബോധം പോയ അദ്ദേഹത്തെ പരിചരിക്കാൻ ​ഗ്രാമവാസികളും എത്തി. അവർ അദ്ദേഹത്തെ പരിചരിക്കുകയും ബോധം വന്നപ്പോൾ വെള്ളവും നൽകി. ഇത് കഴിഞ്ഞ്, പോകാൻ നേരം രാജാവ് ​ഗ്രാമവാസികളോട് ​ഗ്രാമത്തിന്റെ പേര് ചോദിച്ചപ്പോൾ, ​ഗ്രാമത്തിന് പേരില്ലെന്നാണ് ​ഗ്രാമവാസികൾ പറഞ്ഞത്. ഇതോടെ രാജാവ് ഈ ​ഗ്രാമം ഇനിമുതൽ ദീപാവലി എന്നറിയപ്പെടുമെന്ന് പറഞ്ഞു. അന്ന് മുതലാണ് ആന്ധ്രാപ്രദേശിലെ ​ഗ്രാമം ദീപാവലി എന്ന് അറിയപ്പെട്ടത് എന്നാണ് ​ഗ്രാമവാസികൾ പറയുന്നത്.

ഈ ​ഗ്രാമത്തിലുള്ളവർ 5 ദിവസമാണ് ദീപാവലി ആഘോഷിക്കുന്നത്. ഈ സമയത്ത് മരിച്ചുപോയ മുൻ തലമുറക്കാരെയും ഇവർ ഓർക്കാറുണ്ട്, ദീപാവലിദിനത്തിൽ ആളുകൾ അതിരാവിലെ എഴുന്നേറ്റ് സ്ഥാനധീരെപൂജയും പിതൃ കർമ്മവും അനുഷ്ഠിക്കുന്നു.  ഈ ​ഗ്രാമത്തിലെ ആകെ ജനസംഖ്യ ആയിരത്തോളം മാത്രമാണ്. എല്ലാവർഷവും ഇവിടെയുള്ളവർ ​ഗംഭീരമായി ദീപാവലി ആഘോഷിക്കുന്നുണ്ട്.