Nayanthara| വിവാഹം കഴിഞ്ഞ് കൊല്ലം ഒന്നായി, രണ്ട് കുട്ടികളുമായി; നയൻതാരയുടെ വിവാഹ വീഡിയോ എവിടെയെന്ന് ആരാധകർ

ഇക്കഴിഞ്ഞ ജൂൺ 9 നായിരുന്നു തെന്നിന്ത്യൻ സൂപ്പർ സ്റ്റാർ നയൻതാരയുടേയും സംവിധായകൻ വിഘ്നേഷ് ശിവന്റേയും വിവാഹ വാർഷികം. മക്കളായ ഉലകിനും ഉയിരനുമൊപ്പമായിരുന്നു താരദമ്പതികളുടെ വിവാഹ വാർഷികാഘോഷം. (Image: Twitter)

ഇതിനിടയിൽ ആരാധകർ ആ കാര്യം ചോദിക്കാൻ മറന്നില്ല. ഒരു വർഷം മുമ്പ് നടന്ന വിവാഹ വീഡ‍ിയോ നെറ്റ്ഫ്ലിക്സിൽ എത്തുമെന്ന് പ്രഖ്യാപനമുണ്ടായിരുന്നു. പിന്നെ അതിനെ കുറിച്ച് യാതൊരു വിവരവുമില്ല. (iamge: instagram)

വിവാഹം കഴിഞ്ഞ് ഒരു വർഷം കഴിഞ്ഞില്ലേ ഇനിയെങ്കിലും നെറ്റ്ഫ്ലിക്സിൽ വീഡിയോ എത്തുമോ എന്നാണ് പലരുടേയും ചോദ്യം. (Image: instagram)

2022 ചെന്നൈയിൽ മഹാബലിപുരത്ത് വെച്ചായിരുന്നു താരവിവാഹം നടന്നത്. ബോളിവുഡിൽ നിന്നും ഷാരൂഖ് ഖാൻ അടക്കം പങ്കെടുത്ത വിവാഹത്തിന് മാധ്യമങ്ങൾക്ക് പ്രവേശനമുണ്ടായിരുന്നില്ല.

വിവാഹത്തിന്റെ പകിട്ട് ചോരാതെ നെറ്റ്ഫ്ലിക്സിൽ എത്തുമെന്ന് പിന്നാലെ പ്രഖ്യാപനമുണ്ടായി. സെപ്റ്റംബറിൽ നെറ്റ്ഫ്ലിക്സ് 'നയൻതാര: ബിയോണ്ട് ദി ഫെയറി ടെയിൽ' എന്ന പേരിൽ ടീസറും പുറത്തിറക്കി. (Image: instagram)

വെറുമൊരു വിവാഹ വീഡിയോ മാത്രമായിരിക്കില്ല, നയൻതാരയെന്ന താരത്തിന്റെ ജീവിതകഥ കൂടിയായിരിക്കും എന്നൊക്കെയായിരുന്നു അന്ന് പ്രചരിച്ച വാർത്തകൾ. (Image: Instagram)

എന്നാൽ, ആരാധകർ പ്രതീക്ഷയോടെ കാത്തിരുന്ന വീഡിയോയെ കുറിച്ച് നെറ്റ്ഫ്ലിക്സ് പോലും മറന്ന മട്ടാണ്. ഇതിനിടയിൽ താരങ്ങളുടെ മക്കളും നെറ്റ്ഫ്ലിക്സിൽ പുറത്തിറങ്ങുന്ന ഡോക്യുമെന്ററിയിൽ ഭാഗമാകുമെന്നും വാർത്തകൾ പുറത്തുവന്നിരുന്നു.

ഇതിനൊന്നും ഔദ്യോഗിമായി യാതൊരു സ്ഥിരീകരണവുമില്ല. 2023 ഏപ്രിൽ മാസത്തിൽ വീഡിയോ പുറത്തിറങ്ങുമെന്നായിരുന്നു ഏറ്റവും ഒടുവിൽ വന്ന വാർത്തകൾ.

അതേസമയം, വിഘ്നേഷ് ശിവന്റെ തിരക്കുകളാണ് വിവാവ വീഡിയോ പുറത്തിറങ്ങാൻ വൈകുന്നതിന് കാരണമെന്നും റിപ്പോർട്ടുകൾ വന്നിരുന്നു.

കാരണം എന്തായാലും, തങ്ങൾ കാണാൻ കൊതിച്ച വിവാഹം ഇനിയെങ്കിലും പുറത്തിറക്കിക്കൂടെയെന്നാണ് ആരാധകരുടെ ചോദ്യം.