Dileep|ദിലീപിന് പിറന്നാൾ ആശംസകളുമായി മീനൂട്ടിയും കാവ്യ മാധവനും; ചിത്രങ്ങൾ വൈറൽ

ദിലീപിന്റെ ജന്മദിനത്തിൽ പിറന്നാൾ ആശംസകൾ നേർന്ന് മകൾ മീനാക്ഷി(Meenakshi dileep)യും ഭാര്യ കാവ്യ മാധവനും(Kavya Madhavan). തങ്ങളുടെ ഇൻസ്റ്റഗ്രാമിലൂടെയാണ് ഇരുവരും ആശംസകൾ അറിയിച്ചിരിക്കുന്നത്.

ദിലീപി(Dileep)നൊപ്പം ഉള്ള ചിത്രങ്ങളും ഇരുവരും ആശംസയ്ക്കൊപ്പം പങ്കുവെച്ചിട്ടുണ്ട്. ഹാപ്പി ബർത്ത് ഡേ എന്നാണ് കാവ്യ(Kavya Madhavan) കുറിച്ചിരിക്കുന്നത്. അതേസമയം കമന്റ് ബോക്സ് ഓഫ് ചെയ്തു വെച്ചാണ് കാവ്യ മാധവൻ(Kavya Madhavan) ദിലീപിന് പിറന്നാൾ ആശംസകൾ അറിയിച്ചിരിക്കുന്നത്.

എന്നാൽ മീനാക്ഷി(Meenakshi dileep) പങ്കുവെച്ച ചിത്രത്തിന് താഴെ നിരവധി പേരാണ് കമന്റുകളുമായി എത്തുന്നത്. അച്ഛന്റെ പൊന്നുമോൾ, ജനപ്രിയ നായകൻ, ഹാൻസം ഡാഡ് ആൻഡ് സ്വീറ്റ് ഡോട്ടർ എന്നിങ്ങനെ പോകുന്നു കമന്റുകൾ.

ദിലീപി(Dileep)ന്റെ 57ാം പിറന്നാൾ ആണിന്ന്. ജന്മദിന സമ്മാനമായി താരത്തിന്റെ 150ാം ചിത്രമായ പ്രിൻസ് ആൻഡ് ഫാമിലിയുടെ ഫസ്റ്റ് ലുക്ക്‌ പോസ്റ്ററും ഇന്ന് പുറത്തുവന്നിട്ടുണ്ട്.

മാജിക്‌ ഫ്രെയിംസിന്റെ ബാനറിൽ ലിസ്റ്റിൻ സ്റ്റീഫൻ നിർമ്മിച്ച് ബിന്റോ സ്റ്റീഫൻ സംവിധാനം ചെയ്യുന്ന ചിത്രമാണ് പ്രിൻസ് ആൻഡ് ഫാമിലി. ദിലീപ് ധ്യാൻ ശ്രീനിവാസനൻ കൂട്ടുകെട്ട് ആദ്യമായി എത്തുന്നു എന്ന പ്രത്യേകതയും സിനിമയ്ക്ക് ഉണ്ട്.

ലിസ്റ്റിൻ സ്റ്റീഫൻ ഉൾപ്പെടെയുള്ളവരുടെ ഫേസ്ബുക്ക് പേജിലൂടെയാണ് ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തുവിട്ടത്.