Honey Rose| ഇതാരാ... മോഡേൺ മുനികുമാരിയോ? ഹണി റോസിന്റെ പുതിയ ചിത്രങ്ങൾക്ക് ട്രോൾമഴ

സെലിബ്രിറ്റികളുടെ പുത്തൻ സ്റ്റൈലുകൾ പലപ്പോഴും ചർച്ചയായി മാറാറുണ്ട്. അവരുടെ വസ്ത്രധാരണം, ഹെയർ സ്റ്റൈൽ എല്ലാം സോഷ്യൽമീഡിയ എന്നും ചർച്ച ചെയ്യും.

അത്തരത്തിൽ ശ്രദ്ധ നേടുകയാണ് നടി ഹണ റോസിന്റെ പുതിയ വീഡിയോ. കാവി നിറത്തിലുള്ള വസ്ത്രമാണ് താരം അണിഞ്ഞിരിക്കുന്നത്. ചെടികൾക്കിടയില്‍ നിൽക്കുന്ന തരത്തിലാണ് വീഡിയോ.

വീഡിയോ സോഷ്യൽ മീഡിയയില്‍ പങ്കുവെച്ചതോടെ ഹണി സന്യാസം സ്വീകരിച്ചോ എന്നാണ് ആരാധകർ ചോദിക്കുന്നത്. വീഡിയോയ്ക്ക് താഴെ രസകരമായ കമ്മന്റുകളും എത്തുന്നുണ്ട്.

ഇതാണോ ബോച്ചേ പറഞ്ഞ കുന്തി ദേവി, ആര് നീ ഭദ്രേ തപസ്സേ കന്യേ, മുനിയമ്മ, ഇവളെ ആരെങ്കിലും എവിടേലും കൊണ്ടോയി പ്രധിഷ്ഠിക്കൂ. വല്ലാതൊരു തലവേദന തന്നെ എന്നൊക്കെ തരത്തിൽ പോകുന്നു കമ്മന്റുകൾ.

ഏതായാലും വീഡിയോ പങ്കുവെച്ച് മണിക്കൂറുകൾക്കകം തന്നെ അത് സോഷ്യൽ മീ‍ഡിയ ഏറ്റെടുത്തിരിക്കുകയാണ്. കഴിഞ്ഞ ദിവസം ബോബി ചെമ്മണ്ണൂര്‍ ഹണിയെക്കുറിച്ച് പറഞ്ഞ കാര്യങ്ങൾ വലിയ തോതിൽ ചർച്ചയായിരുന്നു.

ഹണി റോസിനെ കാണുമ്പോൾ കുന്തി ദേവിയെ ഓർമ്മ വരുന്നുവെന്നാണ് ബോച്ചെ പറഞ്ഞത്. ഇതിനെതിരെ വിമർശനങ്ങളും എത്തുന്നുണ്ട്.