Jayasurya | 'എന്റെ പ്ലാൻ ഇന്ത്യൻ ഹീറോയിൻ'; ഭാര്യക്ക് ജന്മദിനാശംസയുമായി ജയസൂര്യ

ജയസൂര്യയെ പോലെ തന്നെ ഇപ്പോള്‍ പ്രേക്ഷകർക്ക് പ്രിയങ്കരിയാണ് സരിത ജയസൂര്യ. കോസ്റ്റിയൂം ഡിസൈനറായി സിനിമാ രംഗത്തേക്ക് ഇറങ്ങിയ സരിത ഡിസൈന്‍ ചെയ്ത ഡ്രസ്സുകള്‍ എല്ലാം ഇടയ്ക്ക് ട്രെന്റിങ് ആകാറുണ്ട്.

ഇന്ന് ജയസൂര്യയുടെ ഭാര്യയായ സരിതയുടെ ജന്മദിനമാണ്. സരിതയ്ക്ക് ജന്മദിനാശംസകള്‍ അറിയിച്ച് ജയസൂര്യ പങ്കുവച്ച പോസ്റ്റും, അതിന് സരിത നല്‍കിയ മറുപടിയുമാണ് ഇപ്പോള്‍ വൈറലാവുന്നത്.

"എന്റെ പ്ലാന്‍ ഇന്ത്യന്‍ ഹീറോയിന് ജന്മദിനാശംസകള്‍. നീ എനിക്ക് എല്ലാം മികച്ചതാക്കി"- എന്നാണ് ജയസൂര്യ പറഞ്ഞത്. 'പ്ലാന്‍ ഇന്ത്യന്‍ ഹീറോയ്ക്ക്' നന്ദി എന്ന് പറഞ്ഞ് സരതിയും കമന്റ് ബോക്‌സില്‍ എത്തുകയായിരുന്നു.

തങ്ങളുടെ ലൈഫിലെ സൂപ്പര്‍ വുമണ്‍ ആയ അമ്മയ്ക്ക് ആശംസ അറിയിച്ച് സരിതയുടെ മകള്‍ വേദയും എത്തി. അമ്മയ്‌ക്കൊപ്പമുള്ള മനോഹരമായ ചിത്രങ്ങള്‍ പങ്കുവെച്ചുകൊണ്ടാണ് വേദയുടെ ആശംസ.

'ജന്മദിനാശംസകള്‍ അമ്മ നിങ്ങളെ വളരെയധികം സ്‌നേഹിക്കുന്നു',-എന്നാണ് അമ്മയ്‌ക്കൊപ്പമുള്ള ചിത്രം പങ്കുവെച്ചുകൊണ്ട് വേദ എഴുതിയത്.

താരപത്‌നിയ്ക്ക് ജന്മദിനാശംസകള്‍ അറിയിച്ച് ഒരുപാട് സെലിബ്രിറ്റി കമന്റുകളും വരുന്നുണ്ട്. മാളവിക മേനോന്‍, വീണ നായര്‍ എന്നിങ്ങനെ നിരവധിപേരാണ് ആശംസകളുമായി എത്തിയത്.