Mamitha Baiju | ​ഗ്ലാമറസ് ലുക്കിൽ IIFA അവാർഡിൽ തിളങ്ങി മമിത ബൈജു; ചിത്രങ്ങൾ വൈറൽ

അബുദാബിയിൽ നടക്കുന്ന ഐഫ അവാർഡിൽ തിളങ്ങി മമിത ബൈജു. ബ്ലാക്ക് കളർ സാരിയിൽ ​ഗ്ലാമറസ് ലുക്കിലുള്ള മമിതയുടെ ചിത്രങ്ങളാണ് സോഷ്യൽ മീഡിയയിൽ വൈറലാകുന്നത്.

ജോബിന വിൻസന്റാണ് മമിതയ്ക്കായി ഈ സാരി സ്റ്റൈൽ ചെയ്തിട്ടുള്ളത്. 'തുന്നൽ' ഡിസൈനർ ബോട്ടിക്കിൻ്റെ പ്രീപ്ലീറ്റഡ് ആയിട്ടുള്ള ബ്ലാക്ക് എംബ്രോയിഡറി സാരിയാണ് അവാർഡ് നൈറ്റിൽ മമിത ധരിച്ചിരുന്നത്.

ഹെവി ഫ്ലോറൽ വർക്കിലെ സ്ലീവ്‌ലെസ് ഹൈനെക്ക് ബ്ലൗസാണ് മമിത ധരിച്ചിരിക്കുന്നത്. സാരിയുടെ ബോർഡറിൽ ഫ്ലോറൽ വർക്കുകളാണ് നൽകിയിരിക്കുന്നത്. സാരിയോടൊപ്പം പോണി ടെയ്ൽ ഹെയർ സ്റ്റെലാണ് നൽകിയിരിക്കുന്നത്.

മലയാളത്തിൽ മമിതയുടെതായി അവസാനമിറങ്ങിയ ചിത്രം പ്രേമലു ആണ്. വിജയ് നായകനാകുന്ന ദളപതി 69 എന്ന പ്രൊജക്ടിലാണ് മമിത അടുത്തതായി അഭിനയിക്കുന്നത്.

കഴിഞ്ഞ ദിവസമായിരുന്നു മമിത സിനിമയുടെ ഭാഗമാകുന്നതായി അണിയറപ്രവർത്തകർ അറിയിച്ചത്. മമിതയെ സ്വാഗതം ചെയ്തുകൊണ്ടുള്ള പോസ്റ്ററും അണിയറപ്രവർത്തകർ പുറത്തുവിട്ടിരുന്നു. ‘മിനി മഹാറാണി മമിത ബൈജു ദളപതി 69 ന്റെ ഭാഗമാകുന്ന വിവരം സന്തോഷപൂർവ്വം അറിയിക്കുന്നു,’ എന്നാണ് അണിയറപ്രവർത്തകർ കുറിച്ചത്.