Supriya Menon Prithviraj|വ്യായാമത്തിനിടെ പരിചയപ്പെട്ട ഹാൻഡ്സം ബോയിയെ പരിചയപ്പെടുത്തി സുപ്രിയ; ആള് സുന്ദരനാണെന്ന് ആരാധകർ

പൃഥ്വിരാജിനെപ്പോലെ ആരാധകർ പിന്തുടരുന്ന വ്യക്തിയാണ് ഭാര്യ സുപ്രിയയും. സോഷ്യൽ മീഡിയയിൽ നിരവധി ആരാധകരാണ് സുപ്രിയയ്ക്കുള്ളത്. സോഷ്യൽ മീഡിയയിൽ സജീവമായ താരം ഇടയ്ക്കിടെ പോസ്റ്റുമായി എത്താറുണ്ട്.

അത്തരത്തിൽ ഇന്ന് സുപ്രിയ പങ്കുവെച്ച ഒരു ഇൻസ്റ്റ​ഗ്രാം പോസ്റ്റാണ് ഇപ്പോൾ സോഷ്യൽമീഡിയയിൽ ശ്രദ്ധനേടുന്നത്. ജിമ്മിൽ നിന്നും വർക്കൗട്ട് ചെയ്യുമ്പോഴുള്ള ഒരു ഫോട്ടോയാണ് താരം പങ്കുവെച്ചത്.

ഒരു നായക്കുട്ടിക്കൊപ്പം ജിമ്മിൽ ഇരിക്കുന്ന ഫോട്ടോയാണ് താരം പോസ്റ്റ് ചെയ്തത്. വ്യായാമ വേളയിൽ സുന്ദരനായ ഒരു ആൺകുട്ടി അടുത്ത് വന്ന് ഇരിക്കുമ്പോൾ! എന്നാണ് സുപ്രിയ ഫോട്ടോയ്ക്കൊപ്പം ക്യാപ്ഷൻ നൽകിയിരിക്കുന്നത്.

ഫോട്ടോയ്ക്ക് താഴെ നിരവധി പേരാണ് കമ്മന്റുകളുമായി എത്തുന്നത്. പുതിയ മെമ്പർ ആണോയെന്നാണ് ഒരു ആരാധകന്റെ ചോദ്യം. സുന്ദരക്കുട്ടൻ എന്നിങ്ങനെ പോകുന്നു ആരാധകരുടെ കമ്മന്റുകൾ.

അതേസമയം ‘വിലായത്ത് ബുദ്ധ’ എന്ന ചിത്രത്തിൻ്റെ അവസാന ഘട്ട ചിത്രീകരണ ഇടുക്കി, ചെറുതോണിയിൽ ആരംഭിച്ചു. ചിത്രീകരണത്തിനിടയിൽ പൃഥ്വിരാജിൻ്റെ കാലിനു പരിക്കു പറ്റിയതിനാലാണ് ചിത്രം ബ്രേക്ക് ചെയ്തത്. 50 ദിവസത്തോളം നീണ്ടുനിൽക്കുന്ന ചിത്രീകരണമാണ് ഇനിയുള്ളത്.

ചിത്രത്തിലെ നിർണ്ണായകമായ രംഗങ്ങളും, ആക്ഷനുകളുമൊക്കെ ഈ ഷെഡ്യൂളിൽ ചിത്രീകരിക്കുന്നുണ്ടന്ന് നിർമ്മാതാവ് സന്ദീപ് സേനൻ പറഞ്ഞു. ഇതിനിടയിൽ പൃഥ്വിരാജ് എംബുരാൻ പൂർത്തിയാക്കിക്കഴിഞ്ഞിരുന്നു. അതിനു ശേഷമാണ് പൃഥ്വിരാജ് വിലായത്ത് ബുദ്ധയിൽ ജോയിൻ ചെയ്തിരിക്കുന്നത്.