Shashi Tharoor meme | ക്ഷേത്രത്തിൽ ഒരു തേങ്ങയുടച്ചതാണ്; ഇപ്പോൾ ചായക്കട മുതൽ ക്രിക്കറ്റ് മൈതാനം വരെ ശശി തരൂർ

Published by:Rajesh V
news18-malayalam

Last Updated:August 26, 2021 9:28 AM IST

ഓണനാളിലാണ് പെരിങ്ങോട്ടുകാവ് ക്ഷേത്രം സന്ദർശിക്കുന്ന ചിത്രങ്ങൾ ശശി തരൂർ എം പി സാമൂഹ്യ മാധ്യമങ്ങളിൽ പങ്കുവച്ചത്. ഈ കൂട്ടത്തിൽ അദ്ദേഹം ക്ഷേത്രത്തിൽ തേങ്ങയുടക്കുന്ന ഒരു ചിത്രവും പങ്കുവച്ചിരുന്നു. ആ ചിത്രം എഡിറ്റ് ചെയ്തുകൊണ്ടുള്ള മീം ചിത്രങ്ങൾ ഇപ്പോൾ സാമൂഹ്യ മാധ്യമങ്ങളിൽ വൈറലായിരിക്കുകയാണ്. ഇതിൽ നിന്നും തനിക്ക് ഇഷ്ടപ്പെട്ട ചില ചിത്രങ്ങൾ ശശി തരൂർ തന്നെ സമൂഹ മാധ്യമങ്ങളിൽ പങ്കുവെച്ചിട്ടുണ്ട്.

1/7

2/7

ഇപ്പോൾ ശശി തരൂർ തന്നെ അത്തരത്തിലുള്ള ചില ചിത്രങ്ങൾ സാമൂഹ്യ മാധ്യമങ്ങളിൽ പങ്കുവച്ചിരിക്കുകയാണ്. 'എതീയിസ്റ്റ് കൃഷ്ണ' എന്ന ട്വിറ്റർ അക്കൗണ്ടിലാണ് എഡിറ്റ് ചെയ്ത ഈ ചിത്രങ്ങൾ പ്രത്യക്ഷപ്പെട്ടത്.

3/7

ശശി തരൂർ ഒരു ചായക്കടയിൽ ചായ അടിക്കുന്ന തരത്തിലും ഒരു സ്റ്റേജിൽ നർത്തകിമാർക്കൊപ്പം നൃത്തം ചെയ്യുന്ന തരത്തിലുമുള്ള ചിത്രങ്ങളാണ് തരൂർ തന്നെ പങ്കുവെച്ചിരിക്കുന്നത്.

4/7

WWF റസ്ലിങ് മത്സരത്തിൽ എതിരാളിയുടെ തലയിൽ മർദ്ദിക്കുന്ന തരത്തിൽ വരെ തേങ്ങയുടക്കുന്ന ഫോട്ടോയെ പുനരാവിഷ്കരിച്ചിട്ടുണ്ട് ഈ ചിത്രങ്ങളിൽ. ഓണസമയത്ത് സ്വദേശമായ തരൂരിലെത്തിയപ്പോഴായിരുന്നു ശശി തരൂർ ക്ഷേത്രത്തിൽ നിന്നുള്ള ചിത്രങ്ങൾ പങ്കുവച്ചത്.

5/7

ചായക്കടയിലും ക്രിക്കറ്റ് പിച്ചിലുമെല്ലാം തരൂരിന്റെ ചിത്രം എഡിറ്റ് ചെയ്ത് ചേർത്താണ് ഈ മീമുകൾ സൃഷ്ടിച്ചത്. ഇത്തരം ചിത്രങ്ങളിൽ തനിക്ക് ഇഷ്ടപ്പെട്ടവ എന്ന് പറഞ്ഞാണ് തരൂർ ഇവ തന്റെ സാമൂഹ്യ മാധ്യമങ്ങളിൽ പങ്കുവച്ചിരിക്കുന്നത്.

6/7

'ഞാൻ ആചാരപരമായി ഒരു തേങ്ങ ഉടയ്ക്കുന്ന ചിത്രം ഉപയോഗിച്ചുള്ള കുറേ മീമുകൾ കാണുന്നുണ്ട്. ആരാണ് അവ വച്ച് ഇത്രയും ഭാവന ഉപയോഗിക്കുന്നത്, അവപലപ്പോഴും നല്ല തമാശ നിറഞ്ഞവയാണ്. ഇവയിൽ എന്റെ പ്രിയപ്പെ ചിലത് ഇവയാണ്'- ശശി തരൂർ ഫേസ്ബുക്കിൽ കുറിച്ചു.

7/7

ശശി തരൂർ ഓണനാളിൽ സമൂഹ മാധ്യമങ്ങളിൽ പങ്കുവെച്ച ഒറിജിനൽ ചിത്രമാണ് ഇത്. പെരിങ്ങോട്ടുകാവിൽ തേങ്ങ അടിക്കുന്ന ഈ ചിത്രമാണ് രസകരമായ രീതിയിൽ എഡിറ്റ് ചെയ്ത് മീമായി പുറത്തിറങ്ങിയത്.

Shashi Tharoor meme | ക്ഷേത്രത്തിൽ ഒരു തേങ്ങയുടച്ചതാണ്; ഇപ്പോൾ ചായക്കട മുതൽ ക്രിക്കറ്റ് മൈതാനം വരെ ശശി തരൂർ

ഫോട്ടോ

പ്രധാനപ്പെട്ട വാർത്ത