പ്രധാനമന്ത്രി കൊച്ചിയിൽ;രാവിലെ 10 മുതൽ വൈകിട്ട് 3 വരെ നഗരത്തിൽ ഗതാഗത നിയന്ത്രണം

കൊച്ചി: പ്രധാനമന്ത്രി നരേന്ദ്ര മോദിയുടെ സന്ദർശനത്തെത്തുടർന്ന് കൊച്ചി നഗരത്തിൽ മാർച്ച്11 നു കനത്ത സുരക്ഷയും ഗതാഗത നിയന്ത്രണവും ഏർപ്പെടുത്തി. കലൂർ, മറൈൻ ഡ്രൈവ് മേഖലകളിൽ പ്രത്യേക പരിശോധനകൾ നടക്കുന്നുണ്ട്. സുരക്ഷാ ചുമതലയ്ക്കായി എണ്ണായിരത്തോളം പോലീസുകാരെയാണ് നഗരത്തിന്റെ വിവിധ ഭാഗങ്ങളിൽ വിന്യസിച്ചിരിക്കുന്നത്. സിറ്റി പൊലീസ് മാർച്ച് 11 രാവിലെ 8 മുതൽ രാത്രി 8 വരെ നിർബന്ധിത ഡ്യൂട്ടി ഏർപ്പെടുത്തുകയും ഉദ്യോഗസ്ഥരുടെ അവധികൾ റദ്ദാക്കുകയും ചെയ്തിട്ടുണ്ട്.