'ദീര്‍ഘനാളത്തെ സ്വപ്നം': ഒടുവില്‍ സാധിച്ചുകൊടുത്ത് വിസ്മയ; ആർത്തുവിളിച്ച് തുള്ളിച്ചാടി സുചിത്ര മോഹൻലാൽ

മലയാളികളുടെ സൂപ്പര്‍ സ്റ്റാർ മോഹൻലാലിനു ഏറെ ആരാധകരാണ് ലോകമെമ്പാടുമുള്ളത്. എന്നാൽ എത്ര വലിയ സൂപ്പര്‍സ്റ്റാര്‍ ആണെങ്കിലും അച്ഛന്റെ പേരും പ്രശസ്തിയും തങ്ങളുടെ ജീവിതത്തിലേക്ക് തെല്ലും എടുക്കാത്ത താരപുത്രിയാണ് വിസ്മയ മോഹന്‍ലാല്‍.

വിസ്മയ തന്റെ ലോകത്ത് ഹാപ്പിയായി ജീവിയ്ക്കുന്നു. ഇടയ്ക്ക് തങ്ങളുടെ വിശേഷങ്ങള്‍ പങ്കുവച്ച് സോഷ്യല്‍ മീഡിയയില്‍ എത്താറുണ്ട്. അങ്ങനെ വിസ്മയ പങ്കുവച്ച ഏറ്റവും പുതിയ പോസ്റ്റ് വൈറലാകുകയാണ്.

അമ്മയുടെ ദീർഘനാളത്തെ ആഗ്രഹം സാധിച്ച് കൊടുത്തതിന്റെ സന്തോഷത്തിലാണ് വിസ്മയ.ഇഷ്ടഗായകന്റെ സംഗീതപരിപാടി കാണാനെത്തി ആവേശം കൊണ്ട് തുള്ളിച്ചാടുന്ന സുചിത്ര മോഹൻലാലിന്റെ വിഡിയോ സമൂഹമാധ്യമങ്ങളിൽ വൈറലാകുന്നു.

കൗമാരകാലം മുതലുള്ള ആരാധനാപാത്രമായ ബ്രിട്ടിഷ് ഗായകനും ഗാനരചയിതാവുമായ സർ റോഡ്രിക് ഡേവിഡ് സ്റ്റിവാർട്ടിന്റെ പാട്ടുകേൾക്കാനാണ് സുചിത്ര എത്തിയത്. വേദിയിൽ സ്റ്റിവാർട്ട് പാടുന്നതുകേട്ട് മതിമറന്ന് ആവേശം കൊള്ളുകയാണ് സുചിത്ര.

വിസ്മയ മോഹൻലാൽ ആണ് സുചിത്രയുടെ ദീർഘകാലമായുള്ള ആഗ്രഹം സാധിച്ചുകൊടുത്തത്. വിസ്മയ തന്നെയാണ് സുചിത്രയുടെ ആസ്വാദന വിഡിയോ സമൂഹമാധ്യമങ്ങളിൽ പങ്കുവച്ചതും, ‘എന്റെ അമ്മയുടെയും ആന്റിയുടെയും സ്വപ്നം സാക്ഷാത്കരിക്കപ്പെടുന്നു.

സ്റ്റിവാർട്ടിനു ഹൃദയം നിറഞ്ഞ നന്ദി. എന്റെ അമ്മയെ അറിയുന്നവർക്കു മനസ്സിലാകും ഈ നിമിഷം അമ്മയ്ക്ക് എത്രമാത്രം പ്രിയപ്പെട്ടതും വിശിഷ്ടവുമാണെന്ന്’, വിഡിയോ പങ്കിട്ട് വിസ്മയ മോഹൻലാൽ കുറിച്ചു.

പൊതുവെ ശാന്തസ്വരൂപിയായി, മോഹന്‍ലാലിനൊപ്പം പൊതു വേദികളിലെല്ലാം സജീവമായാലും സയലന്റായി നില്‍ക്കുന്ന സുചിത്ര മോഹന്‍ലാലിനെ ഇത്രയധികം ആവേശത്തോടെ കണ്ടിട്ടുണ്ടാവില്ലെന്നാണ് ആരാധകർ പറയുന്നത്. റൊഡ് സ്റ്റിവാര്‍ട്ടിന്‍ പാടുന്ന പാട്ടുകളുടെ എല്ലാ വരികളും സുചിത്രയ്ക്ക് അറിയാം. അദ്ദേഹത്തിനൊപ്പം അതെല്ലാം ഏറ്റുപാടുന്ന അമ്മയെ കൗതുകത്തോടെയാണ് വിസ്മയ നോക്കി കാണുന്നത്. ഏതായാലും വീഡിയോ ആരാധകര്‍ ഏറ്റെടുത്തുകഴിഞ്ഞു.