മുതിർന്ന നടനുമായുള്ള അടുപ്പം; പ്രഭാസ്, അനുഷ്ക ഷെട്ടി ബന്ധം തകരാൻ കാരണമെന്തെന്ന് പുതിയ റിപ്പോർട്ട്

അമരേന്ദ്ര ബാഹുബലിയും ദേവസേനയും ജീവിതത്തിലും ഒന്നിച്ചെങ്കിൽ എന്ന് ആഗ്രഹിച്ച ആരാധകർ ഏറെയുണ്ടായിരുന്നു. ബാഹുബലിയിലെ നായികാ നായകന്മാരായ പ്രഭാസും (Prabhas) അനുഷ്ക ഷെട്ടിയും (Anushka Shetty) തമ്മിൽ പ്രണയമാണെന്ന തരത്തിലെ വാർത്തകൾ പലപ്പോഴും സൈബർ ഇടങ്ങളിൽ തലപൊക്കിയിരുന്നു. 2009ൽ 'ബില്ല' എന്ന സിനിമയുടെ സെറ്റിലാണ് തെലുങ്ക് താരങ്ങളായ ഇരുവരും കണ്ടുമുട്ടിയത്

ബില്ലയിൽ തുടങ്ങി, മിർച്ചി, ബാഹുബലി ഫ്രാഞ്ചൈസി സിനിമകളിലൂടെ ഈ ജോഡി കൂടുതൽ ശ്രദ്ധ നേടി. അനുഷ്കയും പ്രഭാസും പ്രണയബന്ധത്തിൽ നിന്നും പിന്മാറി എന്നും, അതിനു കാരണക്കാരനായത് ഒരു മുതിർന്ന നടനാണെന്നുമുള്ള റിപ്പോർട്ട് ഏറ്റവും പുതിയതായി പുറത്തുവന്നു കഴിഞ്ഞു (തുടർന്ന് വായിക്കുക)

നല്ല സുഹൃത്തുക്കളാണ് എന്ന് ഇരുവരും പലപ്പോഴായി പറഞ്ഞിട്ടുണ്ടെങ്കിലും, ഇവർക്കിടയിൽ മുളച്ച പ്രണയം ഒരു മുതിർന്ന നടനുമായുള്ള അനുഷ്കയുടെ അടുപ്പം മൂലം തകർന്നു എന്നാണ് പുതിയ റിപ്പോർട്ടിലെ പരാമർശം. ഇവരുടെ പ്രണയം ഏറെ ചർച്ചയായ വിഷയമായിരുന്നു

മുതിർന്ന നടനുമായി അനുഷ്ക അടുത്തതും, പ്രഭാസ് നടിയുമായി അകലം പാലിച്ചു മുന്നോട്ടുപോയത്രെ. ബോളിവുഡ് നടി കൃതി സനോനുമായി പ്രഭാസിന്റെ വിവാഹനിശ്ചയം നടക്കുന്നു എന്ന വാർത്ത പ്രഭാസിന്റെ ടീം നിഷേധിച്ചതില്പിന്നെയാണ് ഇങ്ങനെയൊരു വിവരം പുറത്തായത്

ക്രിട്ടിക് എന്ന് സ്വയം വിശേഷിപ്പിക്കുന്ന ഉമൈർ സന്ധു എന്ന വ്യക്തിയാണ് പ്രഭാസ് - കൃതി വിവാഹനിശ്ചയം എന്ന വാർത്ത പുറത്തുവിട്ടത്. മാലിദ്വീപിൽ വിവാഹ നിശ്ചയം നടക്കും എന്നായിരുന്നു പ്രഖ്യാപനം. ആദിപുരുഷ് എന്ന സിനിമയുടെ ടീസർ ഇറങ്ങിയത് മുതൽ ഇവരുടെ പ്രണയ, വിവാഹ അഭ്യൂഹങ്ങളും കൂടെയുണ്ടായിരുന്നു

ബേഡിയയിൽ കൃതി സനോണിനൊപ്പം അഭിനയിച്ച വരുൺ ധവാൻ, കൃതിയുടെ ബന്ധത്തെക്കുറിച്ച് സൂചന നൽകി ഊഹാപോഹങ്ങൾക്ക് കൂടുതൽ സാധ്യത നൽകുകയായിരുന്നു. എന്നാൽ, അദ്ദേഹം പ്രഭാസിന്റെ പേര് പറഞ്ഞില്ല

ഒരു ഷോയിൽ കരൺ ജോഹർ വരുൺ ധവാനോട് 'ഹിന്ദി സിനിമയിൽ നിന്നുള്ള യോഗ്യരായ അവിവാഹിതരായ സ്ത്രീകളുടെ പേര്' ആവശ്യപ്പെട്ടതും കൃതിയുടെ പേരൊഴിവാക്കിയാണ് വരുൺ ധവാൻ അവതരിപ്പിച്ചത്. ഒടുവിൽ പ്രഭാസുമായുള്ള പ്രണയ വാർത്തകൾക്കു ഇൻസ്റ്റഗ്രാം സ്റ്റോറിയിലൂടെ കൃതി തന്നെ വിരാമമിടുകയായിരുന്നു