Suniel Shetty | സുനിൽ ഷെട്ടിയുടെ മകളുടെ വിവാഹത്തിന് വാഴയില സദ്യ എന്തുകൊണ്ട്? കെ.എൽ. രാഹുൽ, അതിയ ഷെട്ടി വിവാഹം ഇന്ന്

നടൻ സുനിൽ ഷെട്ടിയുടെ (Suniel Shetty) മകൾ അതിയ ഷെട്ടിയും (Athiya Shetty), കാമുകൻ കെ.എൽ. രാഹുലും (KL Rahul) ജനുവരി 23ന് വിവാഹിതരാവുകയാണ്. ഏറെ നാളായി ഇരുവരും പ്രണയത്തിലാണ്. ഒരു പൊതുസുഹൃത്തിലൂടെ നാല് വർഷം മുൻപാണ് ഇരുവരും പരിചയപ്പെട്ടത്. ഷെട്ടിയുടെ ഖണ്ടാല ഫാംഹൗസിൽ വച്ചാണ് വിവാഹം. വൈകുന്നേരം നാല് മണിക്കാവും വിവാഹം നടക്കുക എന്ന് റിപോർട്ടുണ്ട്

അടുത്ത ബന്ധുക്കളും സുഹൃത്തുക്കളുമാവും വിവാഹത്തിൽ പങ്കാളികളാവുക. ശേഷം പാപ്പരാസികൾക്കു മുന്നിൽ ആറര മണിയോട് കൂടി ഇവർ ഫോട്ടോയ്ക്ക് പോസ് ചെയ്യും. വിവാഹത്തിന് 100 അതിഥികൾ ഉണ്ടാവുമെന്ന് റിപോർട്ടുണ്ട്. വരുന്നവർക്ക് വാഴയില സദ്യയും കാണുമത്രേ. അതിനൊരു കാരണമുണ്ട് (തുടർന്ന് വായിക്കുക)

ജനുവരി 21 വൈകുന്നേരമാണ് പ്രീ-വെഡിങ് ചടങ്ങുകൾ ആരംഭിച്ചത്. കോക്ക്ടെയ്ൽ പാർട്ടി ഉണ്ടായിരുന്നത്രേ. 22ന് മെഹന്ദി, ഹൽദി ചടങ്ങുകളും നടന്നു. ഇതെല്ലം ഷെട്ടിയുടെ ഫാം ഹൗസിൽ തന്നെയായിരുന്നു

തെന്നിന്ത്യൻ സദ്യയാണ് വിവാഹത്തിന് ഒരുങ്ങുക. ഇതിനായി ഇവിടുത്തെ വിഭവങ്ങളും അണിനിരക്കും. മംഗലാപുരത്തെ തുളു ഭാഷ സംസാരിക്കുന്ന കുടുംബത്തിലാണ് സുനിൽ ഷെട്ടിയുടെ ജനനം എന്നതുകൊണ്ട് തന്നെ മകളുടെ വിവാഹതിനും തെന്നിന്ത്യൻ സ്റ്റൈൽ തന്നെയാണ് എന്ന് ഇന്ത്യ ടുഡേ റിപ്പോർട്ടിൽ പറയുന്നു

വിവാഹച്ചടങ്ങിൽ ഫോൺ ഉപയോഗത്തിന് വിലക്കുണ്ട്. വിവാഹം കഴിഞ്ഞ ശേഷം സുഹൃത്തുക്കൾക്കും മറ്റുമായി മുംബൈ, ബെംഗളൂരു എന്നിവിടങ്ങളിൽ വധൂവരന്മാർ ഗംഭീര പാർട്ടി ഒരുക്കുന്നുണ്ട്

2019ൽ പുറത്തിറങ്ങിയ 'മോട്ടിച്ചൂർ ചക്നച്ചൂർ' എന്ന ചിത്രത്തിലാണ് അതിയ ഷെട്ടി അവസാനമായി അഭിനയിച്ചത്. നവാസുദ്ദീൻ സിദ്ദിഖിക്കൊപ്പമാണ് വേഷമിട്ടത്. 2015ൽ സൂരജ് പഞ്ചോളിയ്‌ക്കൊപ്പം 'ഹീറോ' എന്ന ചിത്രത്തിലൂടെയാണ് നടി ബോളിവുഡിൽ അരങ്ങേറ്റം കുറിച്ചത്. അർജുൻ കപൂറിനൊപ്പം മുബാറകന്റെ ഭാഗമായിരുന്നു