ഉമ്മയും മകനുമല്ല; ഭാര്യയും ഭർത്താവും; പ്രായവ്യത്യാസമോ പരിഹാസമോ ബാധിക്കില്ലെന്ന് ടി ടി ഫാമിലി

ടി ടി ഫാമിലിയെ അറിയാമോ? സോഷ്യൽ മീഡിയയിൽ സജീവമായവരോട് ഈ ചോദ്യത്തിന് പ്രസക്തിയില്ല. അത്രമാത്രം സുപരിചിതരമാണ് ടിടി ഫാമിലിയിലെ ഷെമിയും ഷെഫിയും. കുഞ്ഞ് വീഡിയോകളും റൊമാന്റിക് റീൽസുമായുമെല്ലാം ഇവർ സോഷ്യൽ മീഡിയയിൽ നിറഞ്ഞുനിൽക്കുകയാണ്. (image: ttfamily/instagram)

യൂട്യൂബിൽ മാത്രം മൂന്ന് ലക്ഷത്തോളം സബ്സ്ക്രൈബേർസാണ് ഇവർക്കുള്ളത്. കടുത്ത ബോഡി ഷെയ്‌മിങ്ങിനും സാധാരണക്കാർക്ക് സങ്കൽപിക്കാൻ കഴിയാത്ത തരത്തിലുള്ള സൈബർ ആക്രമണത്തിനും ഇരയായിട്ടുള്ള വരാണ് ഇവർ. എന്നാൽ അതിലൊന്നും തളരാതെ അതിശക്തമായി തന്നെ മുൻപോട്ട് കുതിക്കുകയാണ് ഷെമിയും ഷെഫിയും. (image: ttfamily/instagram)

യൂട്യൂബിൽ നിന്നും മറ്റും നേടുന്ന മോശമല്ലാത്ത വരുമാനം ഇപ്പോൾ ഇവർക്കുണ്ട്. പ്രായ വ്യത്യാസമോ പരിഹാസ ശരങ്ങളോ ഒന്നും തങ്ങളുടെ കുടുംബ ജീവിതത്തെ ബാധിക്കില്ലെന്ന് വെറുതെ പറയുകയല്ല, സമൂഹത്തിനാകെ അത് കാണിച്ചുകൊടുക്കുകയുമാണ് ഇവർ. (image: ttfamily/instagram)

ഷെമിയെ വിവാഹം ചെയ്യുമ്പോൾ നല്ല ചെറുപ്പം ആണ് ഷെഫി.കുടുംബക്കാർ ഏറെ പിന്തിരിപ്പിക്കാൻ ശ്രമിച്ചു എങ്കിലും ഷെമിയെ കൈവിട്ടുകളയാൻ ഒരുക്കമായിരുന്നില്ല ഷെഫി. ഉമ്മയും മോനുമാണോ എന്നൊക്കെയുള്ള കമന്റുകളും വീഡിയോകൾക്ക് താഴെ വരാറുണ്ട്. മോശം കമന്റുകളെപ്പറ്റിയും തങ്ങളുടെ ജീവിതത്തെപ്പറ്റിയുമൊക്കെ  യൂട്യൂബ് ചാനലായ വെറൈറ്റി മീഡിയക്ക് നൽകിയ അഭിമുഖത്തിൽ പ്രതികരിച്ചിരിക്കുകയാണ് ദമ്പതികളിപ്പോൾ. (image: ttfamily/instagram)

ആദ്യമൊക്കെ കമന്റുകൾ വായിച്ച് വലിയ സങ്കടം തോന്നിയിരുന്നുവെന്ന് ഷെമി പറയുന്നു. ഉമ്മയും മോനുമാണോ, തള്ളയ്ക്ക് വേറെ പണിയില്ലേ എന്നൊക്കെയായിരുന്നു കമന്റുകൾ. അപ്പോഴൊക്കെ കരയുന്ന തന്നെ കണ്ട്, വേറെ പണിയൊന്നുമില്ലേ എന്ന് ഷെഫി ചോദിക്കും.ഇപ്പോൾ കമന്റുകൾ നോക്കാറേയില്ലെന്നും ഷെമി തുറന്നു പറയുന്നു. (image: ttfamily/instagram)

സ്വത്തൊക്കെ കണ്ടാണ് ഷെഫി ഷെമിയെ വിവാഹം ചെയ്തതെന്നാണ് ചില കമന്റുകൾ. എന്നാൽ തനിക്ക് അത്ര സ്വത്തൊന്നും ഇല്ലെന്നും ചെറിയൊരു വീട് മാത്രമേയുള്ളൂവെന്നും അത് ഇപ്പോഴും തന്റെ പേരിലാണെന്നും ഷെമി പറയുന്നു. (image: ttfamily/instagram)

ഷെഫിയിൽ കണ്ട ഗുണങ്ങളെക്കുറിച്ചും ഷെമി അഭിമുഖത്തിൽ തുറന്നുപറയുന്നു. ''പിണങ്ങാറില്ല. കാര്യങ്ങൾ തുറന്നു പറയും. എന്ത് പ്രശ്നമുണ്ടെങ്കിലും രണ്ട് മണിക്കൂർ കഴിഞ്ഞാൽ മിണ്ടും. അവഗണിക്കാറില്ല. ഒറ്റപ്പെട്ടവരെ കൂട്ടിപ്പിടിക്കുകയെന്ന് പറയില്ലേ... '' - ഷെമി പറയുന്നു. (image: ttfamily/instagram)

ഡിവോഴ്സായി നിൽക്കുന്ന സമയത്ത് പുറത്തുപോകുമ്പോൾ വേറെ വിവാഹം ചെയ്യുന്നില്ലേ? കുട്ടികളെ എന്താക്കും? ചെലവിനെങ്ങനെയാണ്? എന്നൊക്കെയായിരുന്നു ചോദ്യങ്ങൾ. ഇതൊന്നും ഇഷ്ടമല്ലാത്തതിനാൽ കഴിയുന്നതും പുറത്തുപോകില്ലായിരുന്നുവെന്നും ഷെമി പറയുന്നു. (image: ttfamily/instagram)

നല്ലൊരു വസ്ത്രം ധരിച്ച് പുറത്തുപോയാൽ എങ്ങനെ വാങ്ങി എന്നൊക്കെയാകും ചോദ്യങ്ങൾ. അങ്ങനെ പിന്നെ പർദ്ദയിൽ ഒതുങ്ങി പതിനാല് വർഷം കഴിഞ്ഞുവെന്നും ഷെമി പറഞ്ഞു. ഇപ്പോൾ ഷെഫിയുമായുള്ള വിവാഹം കഴിഞ്ഞിട്ട് നാല് വർഷമായി. ഷെമി അപ്പോൾ രണ്ടു പെണ്മക്കളുടെ അമ്മയും ഡിവോഴ്സിയും ആയിരുന്നു. (image: ttfamily/instagram)

വിവാഹത്തിന് തന്റെ ഫാമിലിയിൽ നിന്ന് വലിയ രീതിയിൽ എതിർപ്പുണ്ടായില്ലെന്നും പക്ഷേ പ്രായമുള്ള ഒരാളെ വിവാഹം കഴിക്കുമ്പോൾ ഷെഫിയുടെ ലൈഫ് അങ്ങനെ ആയിപ്പോകുമോയെന്ന് കരുതി സ്‌നേഹം കൊണ്ട് വേണ്ടെന്ന് പറഞ്ഞുവെന്നും ഷെമി പറയുന്നു. (image: ttfamily/instagram)