ജീവിതശൈലി രോഗങ്ങൾ പൂർണമായി തടയുക എന്ന ലക്ഷ്യത്തോടെ 'രോഗമില്ല ഗ്രാമം' പദ്ധതിക്ക് തുടക്കമിട്ട് കാരോട്

ഗ്രാമങ്ങളിൽ നിന്ന് ജീവിതശൈലി രോഗങ്ങൾ പൂർണമായും തുടച്ചു മാറ്റുക എന്ന ലക്ഷ്യത്തോടെ നടപ്പിലാക്കി വരുന്ന പാറശ്ശാല ബ്ലോക്ക് പഞ്ചായത്തിൻ്റെ ഒരു പദ്ധതിയാണ് രോഗമില്ല ഗ്രാമം. പേരുപോലെതന്നെ രോഗമില്ലാത്തവരുടെ ഒരു ഗ്രാമം സൃഷ്ടിക്കുക എന്നതാണ് ഈ ഉദ്യമത്തിൻ്റെ ലക്ഷ്യം. ബ്ലോക്ക് പഞ്ചായത്തിന് കീഴിൽ വരുന്ന വിവിധ ഗ്രാമപഞ്ചായത്തുകളിൽ വർഷങ്ങളായി ഈ പദ്ധതി വ്യാപിക്കുന്നുണ്ട്. പാറശാല ബ്ലോക്ക് പഞ്ചായത്ത് നടപ്പിലാക്കിവരുന്ന രോഗമില്ലാത്ത ഗ്രാമം പദ്ധതിയുടെ അഞ്ചാം ഘട്ടം പ്രവർത്തനങ്ങൾക്ക് കാരോട് ഗ്രാമപഞ്ചായത്തിൽ തുടക്കമായി. പദ്ധതിയുടെ ഭാഗമായുള്ള മെഡിക്കൽ ക്യാമ്പ് കാരോട് ഗ്രാമ പഞ്ചായത്തിൽ അയിര കെ വി എച്ച് എസ് ആഡിറ്റോറിയത്തിൽ ബ്ലോക്ക് പഞ്ചായത്ത് പ്രസിഡൻ്റ് എസ് കെ ബെൻ ഡാർവിൻ ഉദ്‌ഘാടനം ചെയ്തു. ബ്ലോക്ക് പഞ്ചായത്ത് അംഗം ശാലിനി സുരേഷ് അധ്യക്ഷത വഹിച്ചു.