വസന്തത്തിന്റെ വരവറിയിച്ച് ടുലിപ് പാടങ്ങൾ; ഇത്തവണ കാഴ്ച്ചക്കാരില്ലാതെ ശ്രീനഗറിലെ പൂന്തോട്ടം

ശ്രീനഗറിലെ ടുലിപ് പാടങ്ങൾ ഇത്തവണയും പൂത്തൂ. എന്നാൽ കോവിഡ് ലോക്ക്ഡൗൺ കാരണം ഇത്തവണ ഈ സൗന്ദര്യം ആസ്വദിക്കാൻ സന്ദർശകർ എത്തില്ല.

സബർവാൻ മലയോരത്ത് ഡാൽ തടാക തീരത്ത് വിവിധ വർണങ്ങളിൽ ടുലിപ് പൂക്കൾ പൂത്തു നിൽക്കുന്ന കാഴ്ച്ച നുകരാൻ ഇക്കുറി ആരുമെത്തില്ല.

പല വർണങ്ങളിൽ പല ഇനങ്ങളിൽ 13 ലക്ഷം ടുലിപ് പൂക്കളാണ് പൂന്തോട്ടത്തിൽ പൂത്തു നിൽക്കുന്നത്.

ഏഷ്യയിലെ തന്നെ ഏറ്റവും വലിയ ടുലിപ് പാടമാണ് ശ്രീനഗറിലേത്.

ഏകദേശം 5 ലക്ഷത്തോളം സന്ദർശകരാണ് പ്രതിവർഷം ഈ സൗന്ദര്യം ആസ്വദിക്കാൻ ഇവിടേക്ക് എത്താറുള്ളത്.

80 ഏക്കറോളം പരന്ന് കിടക്കുന്ന പൂന്തോട്ടത്തിൽ ഡാഫഡിലും റോസുമെല്ലാം വസന്തത്തിന്റെ വരവറിയിച്ച് പൂത്തുലഞ്ഞിരിക്കുകയാണ്.

കഴിഞ്ഞ വർഷത്തേക്കാൾ ഒരുലക്ഷം കൂടുതൽ പൂക്കൾ ഇത്തവണ വിരിഞ്ഞിട്ടുണ്ട്.

സഞ്ചാരികൾക്കായി കൂടുതൽ തയ്യാറെടുപ്പുകളാണ് പുന്തോട്ടം അധികൃതർ ഇക്കുറി നടത്തിയിരുന്നത്.

പൂന്തോട്ടത്തിലൂടെ ഒഴുകുന്ന കനാൽ കാഴ്ച്ചക്കാർക്ക് പുതിയൊരു അനുഭവമാകുമായിരുന്നു.

ടൂറിസ്റ്റുകൾ മാത്രമല്ല, നാട്ടുകാർക്കും ഇക്കുറി ഈ കാഴ്ച്ച കാണാൻ എത്താനാകില്ല എന്നതാണ് ദുഃഖകരം.

പൂത്തുലഞ്ഞ് ടുലിപ് പൂക്കൾ

[caption id="attachment_229641" align="alignnone" width="875"] കണ്ണും മനസ്സും നിറച്ച് ടുലിപ് പാടം [/caption]