മോഹൻലാലിനെ വീട്ടിൽ ക്ഷണിച്ചു വരുത്തിയിട്ടും ഒപ്പമിരുന്ന് ഭക്ഷണം കഴിക്കാതെ ദളപതി വിജയ്

2014ൽ റിലീസ് ചെയ്ത മോഹൻലാൽ (Mohanlal), ദളപതി വിജയ് (Thalapathy Vijay) ചിത്രം 'ജില്ല' പ്രേക്ഷകരുടെയും നിരൂപകരുടെയും ശ്രദ്ധ ഒരുപോലെ പിടിച്ചുപറ്റിയ ചിത്രമായിരുന്നു. മോഹൻലാൽ, വിജയ് താരങ്ങളുടെ അച്ഛൻ, മകൻ വേഷങ്ങൾ രണ്ടു ഭാഷകളിലെയും പ്രേക്ഷകർ ഇരു കയ്യും നീട്ടി സ്വീകരിച്ചു. ജോ മല്ലൂരിയും ഈ സിനിമയിൽ ശ്രദ്ധ നേടിയ അഭിനേതാവാണ്

ആർ.ടി. നേസൻ സംവിധാനം ചെയ്ത ചിത്രമാണ് 'ജില്ല'. ജോ മല്ലൂരി പങ്കിട്ട ഒരു കാര്യം ഇപ്പോൾ സോഷ്യൽ മീഡിയയിൽ തരംഗം തീർത്ത് മുന്നേറുകയാണ്. മോഹൻലാലിന്റെ ഒപ്പം ഇരുന്ന് ഭക്ഷണം കഴിക്കാൻ വിജയ് വിസമ്മതിച്ചതാണ് വിഷയം (തുടർന്ന് വായിക്കുക)

ജില്ലയുടെ സെറ്റിൽ വച്ചാണ് സംഭവം. ഒരു ദിവസം വിജയ് മോഹൻലാലിനെ വീട്ടിലേക്ക് ഡിന്നറിനു ക്ഷണിക്കുകയായിരുന്നു. അദ്ദേഹത്തിന്റെ ഭാര്യ സുചിത്രയും കൂടെയുണ്ടായിരുന്നു

മോഹൻലാലും സുചിത്രയും വിജയ്‌യുടെ വീട്ടിലെത്തിയപ്പോൾ വൈകുന്നേരം ഏഴു മണിയായി. വിജയ്‌യുടെ ഭാര്യയും അദ്ദേഹത്തിന്റെ രണ്ടു കുട്ടികളും മോഹൻലാലിനെയും പത്നിയെയും വീട്ടിലേക്ക് സ്വാഗതം ചെയ്തു. അതിഥികളുടെ പ്ളേറ്റുകളിൽ ഭക്ഷണം വിളമ്പി

മോഹൻലാൽ എത്ര നിർബന്ധിച്ചിട്ടും വിജയ് ഒപ്പം ഇരുന്നില്ല. അതിഥികളുടെ കൂടെ ഇരുന്ന് കഴിക്കുന്നതിനേക്കാൾ, അവർക്ക് ഭക്ഷണം വിളമ്പുന്ന നല്ല ആതിഥേയനാവാനായിരുന്നു വിജയ് ഇഷ്‌ടപ്പെട്ടത്. അതിഥികളെ അത്ര നന്നായി പരിചരിക്കുന്ന സ്വഭാവക്കാരനാണത്രെ വിജയ്

പിറ്റേ ദിവസം വിജയ്‌യെ താൻ തമാശ രൂപേണ കളിയാക്കിയ കാര്യവും ജോ ഓർത്തെടുത്തു. 'ഒന്ന് ഭക്ഷണം കഴിക്ക്, വിജയ്, എല്ലാവരും ഭക്ഷണം കഴിക്കുന്നത് വരെ കാത്തിരിക്കുന്നത് നിങ്ങൾക്ക് ശീലമായിരിക്കുന്നു' എന്ന് ജോ വിജയ്‌യോട് പറഞ്ഞത്രേ

'ലിയോ' എന്ന ചിത്രത്തിന്റെ തകർപ്പൻ പ്രകടനത്തിന് ശേഷം അടുത്ത ചിത്രമായ 'GOAT'ന്റെ തയാറെടുപ്പിലാണ് വിജയ് ഇപ്പോൾ. ഈ സിനിമയിൽ വിജയ് രണ്ടു ഗെറ്റപ്പിൽ വരുന്നു എന്നത് ആരാധകരുടെ ആവേശം വാനോളം ഉയർത്തിക്കഴിഞ്ഞു. വിജയ്‌യുടെ രാഷ്ട്രീയ പ്രവേശവും ചർച്ചയായിരിക്കുകയാണ്