Sana Javed: ആരാണ് സന ജാവേദ്; പാക് ക്രിക്കറ്റർ ഷൊയ്ബ് മാലിക്കിന്റെ പുതിയ ജീവിത പങ്കാളി

മുൻ ഇന്ത്യൻ ടെന്നീസ് താരം സാനിയ മിർസയുമായുള്ള വേർപിരിയൽ അഭ്യൂഹങ്ങൾക്കിടയിലാണ് പാകിസ്ഥാൻ ക്രിക്കറ്റ് താരം ഷൊയ്ബ് മാലിക് (Shoaib Malik) പ്രശസ്ത പാക് അഭിനേത്രി സന ജാവേദിനെ (Sana Javed)  വിവാഹം കഴിച്ചത്. വിവാഹ ചടങ്ങിന്റെ ഫോട്ടോകൾ ഷോയിബ് മാലിക് തന്നെയാണ് സോഷ്യൽ മീഡിയയിൽ പങ്കുവെച്ചത്. (Image: SanaJaved.Official/ Instagram)

ഷൊയ്ബ് മാലിക്കും സന ജാവേദും ഡേറ്റിംഗിലാണെന്ന് നേരത്തെ പ്രചാരണമുണ്ടായിരുന്നു. കഴിഞ്ഞ വർഷം സനയുടെ ജന്മദിനത്തിൽ പാക് ക്രിക്കറ്റർ ആശംസകൾ നേർന്നതിന് പിന്നാലെ അഭ്യൂഹങ്ങൾ ശക്തമായി. "ഹാപ്പി ബർത്ത്‌ഡേ ബഡ്ഡി" എന്നാണ് ഷൊയ്ബ് മാലിക് തന്റെ ഇൻസ്റ്റാഗ്രാം പേജിൽ ഇരുവരും ഒരുമിച്ചുള്ള ഫോട്ടോ പങ്കിട്ടുകൊണ്ട് എഴുതിയത്. (Image: SanaJaved.Official/ Instagram)

ഉർദു ടെലിവിഷനിലെ ജനപ്രിയ താരമാണ് സന ജാവേദ്. പരസ്യചിത്രങ്ങളിൽ മോഡലായിട്ടായിരുന്നു കരിയർ തുടങ്ങിയത്. (Image: SanaJaved.Official/ Instagram)

2012ൽ ഷെഹ്റി സാത്ത് എന്ന ടെലിവിഷൻ പരമ്പരയിലൂടെയായിരുന്നു സനയുടെ  ടിവി അരങ്ങേറ്റം. പിന്നീട് ഒട്ടേറെ സീരിയലുകളിൽ താരം പ്രത്യക്ഷപ്പെട്ടു. ഖാനി എന്ന സീരിയലിൽ ടൈറ്റിൽ റോളിൽ പ്രത്യക്ഷപ്പെട്ടത് വഴിത്തിരിവായി. (Image: SanaJaved.Official/ Instagram)

മികച്ച നടിക്കുള്ള ക്രിട്ടിക്സ് അവാർഡായ പിസ പുരസ്കാരവും താരത്തിന് ലഭിച്ചിരുന്നു. 2017ല്‍ 'മെഹ്റുന്നിസ വി ലബ് യു' എന്ന സോഷ്യോ- കോമഡി ചിത്രത്തിലൂടെ ബിഗ് സ്ക്രീനിലേക്ക് രംഗപ്രവേശം ചെയ്തു. (Image: SanaJaved.Official/ Instagram)

2020ൽ സന, റമദാൻ റിയാലിറ്റി ഷോയായ ജീത്തോ പാകിസ്ഥാൻ ലീഗിൽ ഇസ്ലാമാബാദ് ഡ്രാഗൻസ് ടീമിന്റെ ക്യാപ്റ്റനായി. (Image: SanaJaved.Official/ Instagram)

1993 മാർച്ച് 25ന് സൗദി അറേബ്യയിലെ ജിദ്ദയിലായിരുന്നു സന ജനിച്ചത്. ജിദ്ദയിലെ പാകിസ്ഥാൻ ഇന്റർനാഷണൽ സ്കൂളില്‍ പഠനം. കറാച്ചി സർവകലാശാലയിൽ തുടർ പഠനം. (Image: SanaJaved.Official/ Instagram)

2020 ഒക്ടോബറിൽ ഗായകൻ ഉമെയിർ ജസ്വാളിനെ വിവാഹം കഴിച്ചു. 2023ൽ ഇരുവരും പിരിഞ്ഞു. (Image: SanaJaved.Official/ Instagram)