ചിദംബരം അന്ന് ഉദ്ഘാടനവേദിയിൽ; ഇന്ന് അതേ കെട്ടിടത്തിൽ സിബിഐ കസ്റ്റഡിയിൽ താമസം!

ന്യൂഡൽഹി: കേന്ദ്രമന്ത്രിയായിരിക്കെ ഉദ്ഘാടനം നടന്ന കെട്ടിടത്തിൽ കസ്റ്റഡിയിൽ കഴിയേണ്ടിവരുക എന്ന ദുരവസ്ഥയിലാണ് പി. ചിദംബരം. ഐഎൻഎക്സ് മീഡിയ അഴിമതി കേസിൽ കഴിഞ്ഞ ദിവസം അറസ്റ്റിലായ പി.ചിദംബരത്തെ കസ്റ്റഡിയിൽ പാർപ്പിച്ചത് സിബിഐ ആസ്ഥാനത്തെ അതിഥി മന്ദിരത്തിലായിരുന്നു.

ഈ കെട്ടിടത്തിന്‍റെ ഉദ്ഘാടനം 2011ൽ ചിദംബരത്തിന്‍റെ കൂടി സന്നിധ്യത്തിൽ പ്രധാനമന്ത്രിയായിരുന്ന മൻമോഹൻ സിങ് ആണ് നിർവ്വഹിച്ചത്.

എന്നാൽ എട്ടുവർഷത്തിനിപ്പുറം ചിദംബരത്തിന് അതേ കെട്ടിടത്തിൽ സിബിഐ കസ്റ്റഡിയിൽ കഴിയേണ്ടിവന്നു.