ഭാര്യയെ ഭർത്താവ് കഴുത്ത് ഞെരിച്ച് കൊലപ്പെടുത്തി; കുട്ടികളെ അമ്മയെ ഏൽപിച്ചു; യുവാവ് പൊലീസ് കസ്റ്റഡിയിൽ

തൃശൂർ: മാള പിണ്ടാണിയിൽ വീടിനകത്ത് യുവതിയെ കൊല്ലപ്പെട്ട നിലയിൽ കണ്ടെത്തി. പിണ്ടാണിയിൽ വാടകവീട്ടിൽ താമസിക്കുന്ന വടക്കേക്കര ഇളംകാട് സ്വദേശി പുതുമന ഷംസാദിന്റെ ഭാര്യ റഹ്മത്ത് (32) ആണ് കൊല്ലപ്പെട്ടത്.

ഷംസാദിന്റെ ഉമ്മയുടെ അടുത്ത് കുട്ടികളെ ഏൽപ്പിച്ച് കൂട്ടുകാരന്റെ വീട്ടിലേക്ക് പോയി. റഹ്മത്തിനെ കൊണ്ടു വരാത്തതിനെ തുടർന്ന് ഉമ്മ പിണ്ടാണിയിലേക്ക് അന്വേഷിച്ചപ്പോഴാണ് അയൽവാസികൾ തിരക്കിയത്. അയൽവാസികളാണ് റഹ്മത്തിനെ വാടകവീട്ടിൽ മരിച്ച നിലയിൽ കണ്ടെത്തിയത്.

മാള പൊലീസ് മേൽനടപടികൾ സ്വീകരിച്ചു. ഷംസാദിനെ വടക്കേക്കര പൊലീസാണ് കസ്റ്റഡിയിലെടുത്തത്. ഒമ്പതു വയസുള്ള ഷറഫുദീനും രണ്ടര വയസുള്ള ഹയാനും മക്കളാണ്.