Sathyaraj | 'അമ്മ 4 വർഷമായി കോമയിൽ, ഭക്ഷണം നൽകുന്നത് PEG ട്യൂബ് വഴി'; സത്യരാജിന്റെ മകൾ ദിവ്യ

തെന്നിന്ത്യൻ സിനിമയുടെ നിറസാന്നിധ്യമാണ് സത്യരാജ് ( Sathyaraj). ആ​ഗതൻ ഉൾപ്പെടെ മലയാളത്തിൽ വളരെ ചുരുക്കം ചില സിനിമകൾ മാത്രമാണ് താരം ചെയ്തിട്ടുള്ളത്. നടന്റെ ബാഹുബലി സിനിമയിലെ കട്ടപ്പ എന്ന വേഷം ഏറെ ശ്രദ്ധിക്കപ്പെട്ടിരുന്നു. സിനിമയിൽ ഏറെ സജീവമാണെങ്കിലും താരത്തിന്റെ സ്വകാര്യ ജീവിതത്തെ കുറിച്ച് പ്രേക്ഷകർക്ക് അധികമൊന്നും അറിയില്ല.

നടന്റെ ജീവിതത്തിൽ അധികം ആർക്കും അറിയാത്ത കാര്യങ്ങളെ കുറിച്ച് മകൾ ദിവ്യ എഴുതിയ കുറിപ്പാണ് ശ്രദ്ധേയമാകുന്നത്. പിതാവ് എന്ന നിലയിലും ഭർത്താവ് എന്ന നിലയിലും സത്യരാജിന്റെ ജീവിതത്തിലെ അറിയാകഥകളാണ് മകൾ ദിവ്യ ഇൻസ്റ്റ​ഗ്രാമിൽ പങ്കുവച്ച കുറിപ്പിൽ പറയുന്നത്. (തുടർന്ന് വായിക്കുക.)

'അവിവാഹിതരായ എല്ലാ രക്ഷിതാക്കളെയും അഭിനന്ദിച്ചുള്ള ഒരു പോസ്റ്റാണിത്. എൻ്റെ അമ്മ 4 വർഷമായി കോമയിലാണ്. അമ്മ ഞങ്ങളുടെ വീട്ടിലുണ്ട്. ഞങ്ങൾ അമ്മയ്ക്ക് PEG ട്യൂബ് വഴിയാണ് ഭക്ഷണം നൽകുന്നത്. അമ്മയ്ക്ക് ഇങ്ങനെയൊരു അവസ്ഥ വന്നപ്പോൾ, താനും അച്ഛനും ഏറെ തകർന്നു പോയെന്നാണ് മകൾ ദിവ്യ സത്യരാജിന്റെ കുറിപ്പിൽ പറയുന്നത്.

പക്ഷെ, ഞങ്ങൾ ഏറെ പ്രതീക്ഷയോടുകൂടി കാത്തിരിക്കുകയാണ്. പോസിറ്റീവായിട്ട് തന്നെ എന്തെങ്കിലും സംഭവിക്കും. അമ്മയെ തിരികെ കിട്ടുമെന്ന് ഞങ്ങൾക്കറിയാം. അപ്പ 4 വർഷമായി വലിയ ​ഗ്രേറ്റായ സിം​ഗിൾ പാരന്റാണ്. കുറച്ച് വർഷങ്ങൾക്ക് മുമ്പ് അപ്പയുടെ അമ്മ മരിച്ചു, ഞാനും എൻ്റെ അപ്പയ്ക്ക് സിം​ഗിൾ മോമാണ്. ഞാനും അപ്പയും ചേർന്ന് ഒരു ശക്തമായ സിംഗിൾ മാംസ് ക്ലബ് രൂപീകരിക്കുന്നെന്നാണ് ദിവ്യ സത്യരാജ് കുറിച്ചത്.

കോയമ്പത്തൂർ സ്വദേശിയാണ് സത്യരാജ്. തുടക്ക കാലത്ത് കോയമ്പത്തൂർ ശൈലിയിലുള്ള ഭാഷ നടന് ഏറെ ആരാധക വൃന്ദത്തെ നേടികൊടുത്തിരുന്നു. 1979 ലാണ് സത്യരാജ് മഹേശ്വരിയെ വിവാഹം കഴിച്ചത്. ദിവ്യയെ കൂടാതെ സിബിരാജ് എന്നൊരു മകനും താരത്തിനുണ്ട്.