ബാലയ്യയുടെ അടുത്ത ചിത്രത്തിലും നായിക; തെലുങ്കിൽ തരംഗം തീർത്ത് ഹണി റോസ്

തെലുങ്കില്‍ ഏറെ ആരാധകരുള്ള താരമാണ് ബാലയ്യ എന്ന നന്ദമൂരി ബാലകൃഷ്ണ. അദ്ദേഹത്തിന്റെ ഏറ്റവും പുതിയ ചിത്രമായ വീരസിംഹ റെഡ്ഡി സൂപ്പർ ഹിറ്റായി പ്രദര്‍ശനം തുടരുകയാണ്. ചിത്രത്തില്‍ നായികയായെത്തിയത് മലയാളി താരം ഹണി റോസായിരുന്നു. (Photos- twitter/ @HoneyRoseOffl_)

ഈ ചിത്രത്തിലെ പ്രകടനത്തോടെ തെലുങ്ക് പ്രേക്ഷകരുടെ പ്രിയങ്കരിയായി മാറിയിരിക്കുകയാണ് ഹണി റോസ്. ശ്രുതി ഹാസനും ചിത്രത്തില്‍ സുപ്രധാന വേഷത്തില്‍ അഭിനയിച്ചിരിക്കുന്നു. (Photos- twitter/ @HoneyRoseOffl_)

ബാലകൃഷ്ണ ഇരട്ടവേഷത്തില്‍ എത്തിയ ചിത്രത്തില്‍ വരലക്ഷ്മി ശരത്കുമാര്‍, ലാല്‍, ദുനിയാ വിജയ് തുടങ്ങിയവരും എത്തിയിരുന്നു. മൈത്രി മൂവീ മേക്കേഴ്‌സാണ് 'വീരസിംഹ റെഡ്ഡി' നിര്‍മിച്ചത്. (Photos- twitter/ @HoneyRoseOffl_)

ബാലകൃഷ്ണയുടെ അടുത്ത ചിത്രത്തിലും നായികയായി ഹണി റോസ് എത്തുന്നുവെന്ന റിപ്പോര്‍ട്ടുകളാണ് ഇപ്പോൾ പുറത്തുവരുന്നത്. ഹണി റോസും ബാലകൃഷ്ണയും വീണ്ടും ഒന്നിക്കുന്ന ചിത്രം അനില്‍ രവിപുടിയാകും സംവിധാനം ചെയ്യുക. (Photos- twitter/ @HoneyRoseOffl_)

തെലുങ്കില്‍ മികച്ച ഭാവിയുള്ള നടിയാണ് ഹണി റോസ് എന്ന് ബാലയ്യ ഒരു ചടങ്ങിനിടെ പറഞ്ഞിരുന്നു. (Photos- twitter/ @HoneyRoseOffl_)

ഹണി റോസിന്റെ മൂന്നാമത്തെ തെലുങ്ക് ചിത്രമാണ് വീരസിംഹ റെഡ്ഡി. മീനാക്ഷി എന്ന കഥാപാത്രത്തെയാണ് ഹണി റോസ് ചിത്രത്തില്‍ അവതരിപ്പിച്ചത്. (Photos- twitter/ @HoneyRoseOffl_)