'ആ പോസ്റ്ററിലുള്ളത് മഞ്ജുവാര്യർ അല്ല'; 'ഫൂട്ടേജ്' ഫസ്റ്റ്‌ലുക്കിലെ നടി ഇതാണ്

മഞ്ജുവാര്യരെ പ്രധാന കഥാപാത്രമാക്കി എഡിറ്റർ സൈജു ശ്രീധരൻ ആദ്യമായി സംവിധാനം ചെയ്യുന്ന 'ഫൂട്ടേജ്' എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ ഇന്നലെയാണ് പുറത്തുവന്നത്. മഞ്ജു വാര്യര്‍ അടക്കമുള്ളവർ ചിത്രത്തിന്റെ പോസ്റ്റർ പങ്കുവച്ചിരുന്നു.

പിന്നാലെ പോസ്റ്റർ വലിയ രീതിയിൽ വൈറലായി. പോസ്റ്ററിലുള്ള യുവതി മഞ്ജുവാര്യർ ആണെന്നാണ് പലരും തെറ്റിദ്ധരിച്ചത്. എന്നാൽ ഗായത്രി അശോക് എന്ന നടിയാണ് പോസ്റ്ററിലുള്ളത്.

ഫൂട്ടേജിന്റെ ഇന്നലെ പുറത്തുവന്ന പോസ്റ്ററിൽ നടൻ വിശാഖ് നായർക്കൊപ്പം ഗായത്രിയാണുള്ളത്.

ചെന്നൈയിൽ ഗ്രാഫിക്സ് ഡിസൈനറായിരുന്നു ഗായത്രി അശോക്. 'ലഡു' എന്ന ചിത്രത്തിൽ നായികയായിട്ടാണ് ഗായത്രി അഭിനയരംഗത്തേക്ക് എത്തിയത്. ഇതിന് ശേഷം സ്റ്റാർ, മെമ്പർ രമേശൻ 9-ാം വാർഡ്, സ്വർഗത്തിലെ കട്ടുറുമ്പ് എന്നീ ചിത്രങ്ങളിൽ അഭിനയിച്ചു.

'ഫൂട്ടേജ്' എന്ന ചിത്രം പ്രേക്ഷകരിലേക്ക് എത്തിക്കുന്നത് മാർട്ടിൻ പ്രക്കാട്ട് ഫിലിംസ് ആണ്. അഞ്ചാം പാതിരാ, കുമ്പളങ്ങി നൈറ്റ്സ്, മഹേഷിന്റെ പ്രതികാരം തുടങ്ങി നിരവധി ഹിറ്റ് സിനിമകളുടെ എഡിറ്റർ ആണ് സൈജു ശ്രീധരൻ. മൂവി ബക്കറ്റ്, കാസ്റ്റ് ആൻഡ് കോ, പെയിൽ ബ്ലൂ ഡോട്ട് പിക്ചേഴ്സ് എന്നീ ബാനറിൽ ബിനീഷ് ചന്ദ്രൻ, സൈജു ശ്രീധരൻ എന്നിവർ ചേർന്നാണ് നിർമ്മാണം. ഷബ്‌ന മുഹമ്മദ്, സൈജു ശ്രീധരൻ എന്നിവർ ചേർന്നാണ് തിരക്കഥ