കുളത്തിലോട്ടു ചാടിയ സ്ഥിതിക്ക് ഇനി യുദ്ധം ചെയ്യുക തന്നെ; പാർവ്വതി തിരുവോത്തിന് ഉപദേശവുമായി ആരാധകർ

ഹേമ കമ്മിറ്റി റിപ്പോർട്ട് പുറത്ത് വന്നതിന് പിന്നാലെ നടി പാർവ്വതി തിരുവോത്തിന് ഉപദേശവുമായി സോഷ്യൽ മീഡിയ. താരം പങ്കുവച്ച ചിത്രങ്ങൾക്ക് താഴെയാണ് ഉപദേശങ്ങളുമായി എത്തുന്നത്.

ഹേമ കമ്മിറ്റി റിപ്പോർട്ടിൽ താരത്തിന്റെ നിലപാടുകൾ വ്യക്തമാക്കിയതോടെയാണ് ഉപദേശങ്ങളും സൈബർ ആക്രമണങ്ങളും കമന്റ് ബോക്സിൽ നിറയുന്നത്.

മിക്കവാറും അവരെല്ലാവരും കൂടെ താങ്കളുടെ കാര്യത്തിൽ ഒരു തീരുമാനം ആക്കും എന്നു തോന്നുന്നു, എപ്പോഴും തനിക്ക് പോന്നവരോട് വേണം യുദ്ധം ചെയ്യാൻ , കുളത്തിലോട്ടു ചാടിയ സ്ഥിതിക്ക് ഇനി യുദ്ധം ചെയ്യുക തന്നെ, 40,50 വർഷത്തെ പ്രവർത്തി പരിചയവും കേരളത്തിലും ഇന്ത്യയിലും ഇന്ത്യക്കുപുറത്തും സമസ്ത മേഖലകളിലും ബന്ധങ്ങളും ഉള്ള ആളുകളോടാണ് യുദ്ധം ചെയ്യുന്നത്. അതിനാൽ ഉള്ള എല്ലാ ആയുധവും എടുക്കുക എന്നിങ്ങനെയുള്ള ഉപദേശങ്ങളാണ് സമൂഹമാദ്ധ്യമങ്ങളിൽ നിറയുന്നത്.

വാ തുറന്നാൽ പുരുഷവിരുദ്ധതയെ പറയൂ, അവസരമില്ലെങ്കിൽ സ്വന്തം സ്കിൽ മാർക്കറ്റ് ചെയാൻ പഠിക്കണം, അതും പറ്റിയില്ലെങ്കിൽ വേറെ വല്ല പണിക്കും പോണം, അല്ലാതെ ഓടി വന്നു പുരുഷന്മാരെ കുറ്റം പറയുകയല്ല വേണ്ടത്. എന്നിങ്ങനെയാണ് കമന്റുകൾ.

'BE JEWELED' എന്ന ക്യാപ്ഷനോടെ ലോം​ഗ് ​ഗൗണാണ് ചിത്രത്തിൽ പാർവ്വതി ധരിച്ചിരിക്കുന്നത്. ആകർഷകമായ രീതിയിലെ ജ്വല്ലറികളും ഇതിനോടൊപ്പം അണിഞ്ഞിട്ടുണ്ട്.