കോവിഡ് ഭീതിക്കിടെ ബിഗ് ബോസ് താരം ആര്യയുടെ വീട്ടിൽ പാമ്പ്; 'ആര്യവെമ്പാല' പോസ്റ്റ് വൈറൽ

എല്ലാവരും കോവിഡ് ഭീതിയിൽ വീടിനുള്ളിൽ കഴിയുമ്പോൾ വീടിനുള്ളിൽ മറ്റൊരു ഭീതിയുമായി ബിഗ് ബോസ് താരം ആര്യ ബാബു. ആര്യയുടെ വീട്ടിൽ പാമ്പ് കയറിയതും അതിനെ ഭംഗിയായി സുഹൃത്തിന്റെ സുഹൃത്ത് വന്ന് മെരുക്കിയതും സോഷ്യൽ മീഡിയയിൽ വയറലാവുകയാണ്

'ആര്യവെമ്പാലയെന്ന' പേരിട്ട് ട്രോളുന്ന ആര്യയുടെ എതിർപക്ഷത്തിന്‌ ഒരു ഐറ്റം കിട്ടിയിരിക്കുന്നു എന്ന് ആര്യ കൂടിയുള്ള വിഡിയോയിൽ പറയുന്നു. 'എന്നെ ട്രോളാൻ എന്റെ വീട്ടിൽ നിന്ന് തന്നെ ഒരെണ്ണം കിട്ടിയിട്ടുണ്ട്.' എന്ന് ആര്യ ചിരിച്ചുകൊണ്ട് പറയുന്നത് കേൾക്കാം

പുറത്തിറങ്ങണം ഒന്ന് റോഡ് കാണണം എന്ന് കരുതി ഇരുന്ന ആളാണ് താൻ എന്നും അപ്പോഴാണ് ബിഗ് ബോസ് താരം ആര്യയുടെ വീട്ടിലാണ് സംഭവം എന്ന് അറിഞ്ഞു എത്തിയതെന്നും പാമ്പിനെ പിടിച്ചയാൾ പറയുന്നു

പക്ഷെ ആര്യയുടെ വീട്ടിൽ കയറിയത് വെമ്പാലയല്ല കേട്ടോ, ഒരു മഞ്ഞ ചേരയാണ്

ഈ വീട്ടിൽ ഒരു വെമ്പാലയുണ്ട്, അതുകൊണ്ടു ഇവനെ തിരിച്ചു വിടുകയാണെന്നാണ് ആര്യ തമാശ രൂപേണ പറയുന്നുണ്ട്

അടുത്തിടെ ആര്യയുടെ 'ജാൻ' എന്ന് പറഞ്ഞ് നടൻ ശ്രീകാന്ത് മുരളിക്ക് നേരെ സൈബർ ആക്രമണം നടന്നിരുന്നു. മോഹന്ലാലിനൊപ്പമുള്ള ഫോട്ടോ പോസ്റ്റ് ചെയ്ത ശേഷമായിരുന്നു ആക്രമണം. ഇതിൽ ആര്യയും ശ്രീകാന്തും പ്രതികരിച്ചിട്ടില്ല