'ജീവിതത്തിലെ ഏറ്റവും മോശമായകാര്യം; മനസിൽ നിന്നൊരിക്കലും പോകില്ല'; വിവാഹ മോചനത്തെ കുറിച്ച് സെയ്ഫ് അലി ഖാൻ

നടിയും മുൻഭാര്യയുമായ അമൃത സിംഗുമായുള്ള വിവാഹ മോചനത്തെ കുറിച്ച് മനസു തുറന്ന് ബോളിവുഡ് താരം സെയ്ഫ് അലിഖാൻ. പിങ്ക് വില്ലയ്ക്ക് നൽകിയ അഭിമുഖത്തിലാണ് വിവാഹമോചനത്തെ കുറിച്ച് സെയ്ഫ് പറഞ്ഞത്.

ജീവിതത്തിലെ ഏറ്റവും മോശമായ കാര്യം എന്നാണ് സെയ്ഫ് വിവാഹ മോചനത്തെ കുറിച്ച് പറഞ്ഞത്. അതുമായി ശരിക്കും ഒത്തുപോകാൻ കഴിഞ്ഞിട്ടില്ലെന്നും താരം പറഞ്ഞു. അത് മനസിൽ നിന്നൊരിക്കലും പോകുമെന്ന് തോന്നുന്നില്ലെന്നും സെയ്ഫ് പറഞ്ഞു.

ചില കാര്യങ്ങൾ നമ്മുടെ പരിധിയിൽ നിൽക്കില്ല. എനിക്കന്ന് ഇരുപത് വയസ്സല്ലേ ഉണ്ടായിരുന്നുള്ളൂവെന്നും തീരെ ചെറുപ്പമായിരുന്നില്ലേയെന്നും കരുതി ആശ്വസിക്കുന്നു- സെയ്ഫ് വ്യക്തമാക്കി.

മോശമാണെന്ന് തോന്നിയേക്കാം. വിചിത്രമായ കാര്യമെന്ന് തോന്നുകയും ചെയ്യാം. ചിലപ്പോൾ നിങ്ങൾക്ക് ചിന്തിക്കാൻ പോലും കഴിയില്ല- അദ്ദേഹം പറഞ്ഞു.

മാതാപിതാക്കളെന്ന് ഒന്നിച്ചു പറയാമെങ്കിലും അവർ വ്യത്യസ്ത വ്യക്തിത്വങ്ങളാണെന്നാണ് സെയ്ഫ് പറയുന്നത്. ഒരു കുട്ടിയെ സംബന്ധിച്ച് അവർക്ക് സന്തോഷം പകരുന്ന അന്തരീക്ഷമുള്ള വീട് പ്രധാനമുള്ളതാണെന്നാണ് സെയ്ഫ് പറയുന്നത്.

ഒരുകുട്ടിയും അത് ലഭിക്കാതെ വളരരുത്. എന്നാല്‍ അതവര്‍ക്ക് നല്‍കുക എന്നത് എളുപ്പവുമല്ല- സെയ്ഫ് വ്യക്തമാക്കുന്നു. 1990കളുടെ തുടക്കത്തിലാണ് സെയ്ഫ് അലിഖാൻ അമൃത സിംഗിനെ വിവാഹം കഴിച്ചത്. 2004ലാണ് ഇരുവരും വേർപിരിഞ്ഞത്.