നടിയെ ആക്രമിച്ച കേസ്: പ്രതിപ്പട്ടികയില്‍ നിന്ന് ഒഴിവാക്കണമെന്ന ദിലീപിന്റെ ഹർജി കോടതി തള്ളി

നടിയെ ആക്രമിച്ച കേസില്‍ പ്രതിപ്പട്ടികയില്‍ നിന്ന് ഒഴിവാക്കണമെന്ന് ആവശ്യപ്പെട്ട് നടന്‍ ദിലീപ് നൽകിയ ഹർജി വിചാരണ കോടതി തള്ളി

കൊച്ചിയില്‍ നടിയെ ആക്രമിച്ച ദ്യശ്യങ്ങള്‍ പകര്‍ത്തിയ കേസിലെ എട്ടാം പ്രതിയാണ് ദിലീപ്. അഭിഭാഷകനാണ് ദിലീപിനു വേണ്ടി വിടുതൽ ഹര്‍ജി സമര്‍പ്പിച്ചത്

സുപ്രീം കോടതി അനുമതിപ്രകാരം ദിലീപും അഭിഭാഷകരും സാങ്കേതികവിദഗ്ധന്‍റെ സാന്നിധ്യത്തില്‍ ആക്രമണത്തിന്‍റെ ദ്യശ്യങ്ങള്‍ പരിശോധിച്ചിരുന്നു. ഇതിനുശേഷമാണ് വിടുതല്‍ ഹർജിയുമായി കോടതിയെ സമീപിച്ചിട്ടുള്ളത്. ഹർജിയിലെ വിശദാംശങ്ങൾ പരസ്യപ്പെടുത്തരുതെന്നു കോടതി നിര്‍ദ്ദേശിച്ചു

നടിയുടെ സ്വകാര്യതയുമായി ബന്ധപ്പെട്ട പരാമർശം ഹർജിയിൽ ഉള്ളതിനാലാണ് നടപടി. അടച്ചിട്ട മുറിയിലാണ് കോടതിയില്‍ വാദം നടക്കുന്നത്. വിടുതൽ ഹർജിയിൽ വിചാരണ കോടതിയായ കൊച്ചി പ്രത്യേക സി ബി ഐ കോടതി പിന്നീട് വിധി പറയും