ജവാന്‍ റിലീസ്; നയന്‍താരക്കൊപ്പം ഷാരൂഖ് ഖാന്‍ തിരുപ്പതിയില്‍

തെന്നിന്ത്യന്‍ സിനിമാലോകം കാത്തിരിക്കുന്ന ജവാന്‍ സിനിമയുടെ റിലീസിന് മുന്നോടിയായി നടന്‍ ഷാരൂഖ് ഖാന്‍ തിരുപ്പതി ക്ഷേത്രത്തില്‍ ദര്‍ശനം നടത്തി. 

സിനിമയിലെ നായികയായ നയന്‍താരക്കും ഭര്‍ത്താവ് വിഘ്നേഷ് ശിവനും മകള്‍ സുഹാനക്കുമൊപ്പമാണ് താരം ക്ഷേത്രത്തില്‍ ദര്‍ശനം നടത്തിയത്.

വന്‍ ഭക്തജന തിരക്കിനിടയിലും തന്‍റെ പുതിയ സിനിമയുടെ വിജയത്തിനായി പ്രാര്‍ഥിക്കാനെത്തിയ ഷാരൂഖ് ഖാന്‍റെ വീഡിയോ സോഷ്യല്‍ മീഡിയയില്‍ വൈറലാണ്.

വെള്ള  പൈജാമയും ജുബ്ബയും ധരിച്ചായിരുന്നു ബോളിവുഡ് താരത്തിന്‍റെ തിരുപ്പതി ദര്‍ശനം

സിനിമയിലെ നായികയായ നയന്‍താരയും ഭര്‍ത്താവ് വിഘ്നേഷ് ശിവനും മുന്‍പ് പലതവണ തിരുപ്പതിയില്‍ ദര്‍ശനം നടത്തിയിരുന്നു.

റെഡ് ചില്ലീസിന്‍റെ ബാനറില്‍ ഗൗരിഖാന്‍ നിര്‍മ്മിക്കുന്ന ജവാന്‍ സെപ്റ്റംബര്‍ ഏഴിന് തിയേറ്ററുകളിലെത്തും

അറ്റ്ലി സംവിധാനം ചെയ്യുന്ന സിനിമ ഹിന്ദി, തമിഴ്, തെലുങ്ക്, ഭാഷകളില്‍ റിലീസ് ചെയ്യും

വിജയ് സേതുപതി വില്ലാനായെത്തുന്ന സിനിമയില്‍ അനിരുദ്ധാണ് സംഗീതം നല്‍കുന്നത്.