ലാലേട്ടന്റെ കുന്നോളം സ്നേഹം തമിഴ്നാടിനും; ആരോഗ്യപ്രവർത്തകർക്കുള്ള കിറ്റും മാസ്കുമായി വിശ്വശാന്തി ഫൗണ്ടേഷൻ

കോവിഡ് പ്രതിസന്ധിയിൽ ഉഴലുന്ന ജനതയ്ക്ക് സഹായവുമായി നടൻ മോഹൻലാൽ. ഇത്തവണ പ്രിയ ലാലേട്ടന്റെ സ്നേഹവും കരുതലും എത്തുന്നത് തമിഴ്നാടിന് വേണ്ടിയാണ്

മോഹൻലാലിന്റെ നേതൃത്വത്തിലുള്ള വിശ്വശാന്തി ഫൗണ്ടേഷൻ പി.പി.ഇ. കിറ്റുകളും N95 മാസ്കുകളും തമിഴ്നാട് സർക്കാരിന് കൈമാറി

വിശ്വശാന്തി ഫൗണ്ടേഷന്റെ പ്രതിനിധി ഡോ: നാരായണൻ, അനൂപ് ആന്റണി എന്നിവർ ചേർന്ന് മന്ത്രി എസ്.പി. വേലുമണിക്ക് ഇവ കൈമാറി. ഇതാദ്യമായല്ല മോഹൻലാൽ കോവിഡ് പോരാട്ടത്തിന് പിന്തുണയുമായി എത്തുന്നത് 

ഏപ്രിൽ മാസം അവസാനത്തോട് കൂടി സർക്കാർ മെഡിക്കൽ കോളേജിലെ കോവിഡ് ഐസൊലേഷൻ വാർഡിലേക്കായി മരുന്നും ഭക്ഷണവും എത്തിച്ചു കൊടുക്കാനായി കർമ്മി റോബോട്ട് എന്ന റോബോട്ടിനെ മോഹൻലാൽ നൽകിയിരുന്നു. മനുഷ്യ സഹായം കൂടാതെ അവശ്യവസ്തുക്കൾ എടുത്ത് നല്കുന്നതിനായിരുന്നു ഇത്. തീർന്നില്ല 

കോവിഡ് ധനസഹായമായി മുഖ്യമന്ത്രിയുടെ ദുരിതാശ്വാസ നിധിയിലേക്ക് മോഹൻലാൽ 50 ലക്ഷം രൂപ സംഭാവന നൽകിയിരുന്നു. മലയാള സിനിമയുടെ സഹായത്തിനും ആദ്യം ഓടിയെത്തിയവരിൽ മോഹൻലാൽ ഉണ്ടായിരുന്നു 

മലയാള സിനിമയിലെ ദിവസവേതന തൊഴിലാളികൾക്കായി മോഹൻലാൽ മാർച്ച് മാസം 10 ലക്ഷം രൂപ ഫെഫ്ക സംഘടനയ്ക്ക് കൈമാറിയിരുന്നു