'കുറുപ്പ്' സിനിമ പോസ്റ്റിലെ കമന്റ്; വ്യക്തത വരുത്തി അഹാനയും ചിത്രത്തിന്റെ അണിയറപ്രവർത്തകരും

ദുൽഖർ സൽമാന്റെ പിറന്നാളിന് പുറത്തിറങ്ങിയ കുറുപ്പ് സിനിമയുടെ സ്നീക്ക് പീക്ക് വീഡിയോ ശ്രദ്ധേയമായിരുന്നു. ഈ പോസ്റ്റിൽ അഹാന കൃഷ്ണ നടത്തിയ ഇൻസ്റ്റഗ്രാം കമന്റിന് കീഴെ 'അതിന് നീയേതാ' എന്ന് സിനിമയുടെ പേരിലെ അക്കൗണ്ടിൽ വന്ന മറുപടിയുടെ സത്യാവസ്ഥയുമായി അഹാനയും അണിയറപ്രവർത്തകരും

'വീഡിയോ കൊള്ളാം പക്ഷെ തമ്പ്നെയിൽ മോശം, എന്നാണ് നീയിതു പഠിക്കുക' എന്ന് തമാശ രൂപേണ അഹാന ചോദിച്ച കമന്റിനാണ് മറുപടി കിട്ടിയത്. 'kuruppmovieofficial' എന്ന് പേരുള്ള പ്രൊഫൈലിൽ നിന്നുമാണ് മറുപടി

തമ്പ്നെയിലിന് കറുത്ത നിറം നൽകിയതാണ് അഹാന ഉദ്ദേശിച്ചത്. എന്നാൽ അഹാനയ്ക്ക് മറുപടി നൽകിയത് സിനിമയുമായി ബന്ധമില്ലാത്ത പേജിൽ നിന്നാണ്

Kurupmovie എന്നതാണ് തങ്ങളുടെ ഔദ്യോഗിക പേജെന്നും സിനിമയുടെ പേരുള്ള മറ്റു പേജുകൾ തങ്ങളുടേതല്ല എന്നും സിനിമയുടെ അണിയറയിൽ നിന്നും വിശദീകരണം

എന്നാൽ അഹാനയുടെ കമന്റിന് സിനിമയുടെ സംവിധായകൻ ശ്രീനാഥ് തന്നെ രസകരമായ മറുപടി കൊടുക്കുന്നു. തമ്പ്നെയിൽ ചെയ്ത നിമിഷ് രവിയോട് 'നീ ഇൻസ്റ്റഗ്രാമിന്റെ പോളി ടെക്നിക് പഠിക്കണം കേട്ടോ' എന്ന് രസകരമായ ഉത്തരമാണ് നൽകുന്നത്

ലോക്ക്ഡൗൺ സമയത്ത് റിലീസ് ചെയ്യാനിരുന്ന ചിത്രമാണ് കുറുപ്പ്. സുകുമാരകുറുപ്പിന്റെ കഥ പറയുന്ന ചിത്രം നിർമ്മിക്കുന്നതും നായക വേഷം ചെയ്യുന്നതും ദുൽഖർ സൽമാനാണ്