Drishyam 2 | ദൃശ്യം 2 തിയേറ്ററുകളിൽ റിലീസ് ചെയ്യില്ല; മോഹൻലാലിനും ആന്റണി പെരുമ്പാവൂരിനും എതിരെ ഫിലിം ചേംബർ

മോഹൻലാലിനും ആന്റണി പെരുമ്പാവൂരിനും എതിരെ ഫിലിം ചേംബർ. ഒ.ടി.ടി. റിലീസ് ചെയ്ത ശേഷം ദൃശ്യം 2 തിയേറ്ററുകളിൽ പ്രദർശിപ്പിക്കില്ലെന്ന് ഫിലിം ചേംബർ പ്രഖ്യാപിച്ചു. ദൃശ്യം 2 ഒ.ടി.ടി. റിലീസിന് അനുമതി വാങ്ങിയിരുന്നില്ലെന്നും ഫിലിം ചേംബർ ഭാരവാഹികൾ പറഞ്ഞു

തിയറ്റർ റിലീസിന് 42 ദിവസങ്ങൾക്ക് ശേഷം ഒ.ടി.ടി.യിൽ റിലീസ് ചെയ്യുക എന്നതാണ് ഫിലിം ചേംബറിന്റെ തീരുമാനം. മോഹൻലാൽ-ജീത്തു ജോസഫ് കൂട്ടുകെട്ടിൽ പുറത്തിറങ്ങുന്ന ദൃശ്യം 2 ഒ.ടി.ടി. റിലീസിന് ശേഷം തിയേറ്ററിൽ പ്രദർശിപ്പിക്കുമെന്ന വാർത്തകൾക്ക് പിന്നാലെയാണ് ഫിലിം ചേംബർ നിലപാട് കടുപ്പിച്ചത്

ഒ.ടി.ടി. റിലീസിനു ശേഷം തിയേറ്ററിൽ ചിത്രം പ്രദർശിപ്പിക്കാം എന്ന് നിർമാതാക്കളോ താരങ്ങളോ കരുതുന്നു എങ്കിൽ അത് ആഗ്രഹം മാത്രമാകുമെന്നും ഫിലും ചേംബർ പ്രസിഡൻറ് വിജയകുമാർ പറഞ്ഞു. തമിഴ് ചിത്രം മാസ്റ്റർ തീയേറ്ററിൽ റിലീസ് ചെയ്തതിനു ശേഷമാണ് ഒ.ടി.ടി. റിലീസ് നടത്തിയത്

തമിഴ് സിനിമാ മേഖലയിലയോട് വിജയ് കാണിച്ച ആത്മാർത്ഥതയും പ്രതിബദ്ധതയും മലയാളത്തിലെ പ്രമുഖ നടന്മാർക്ക് ഇല്ല. തിയേറ്ററും ആരാധകരും ആണ് ഇവരെയെല്ലാം വലിയ താരങ്ങൾ ആക്കി മാറ്റിയത് എന്ന് ഫിലിം ചേംമ്പർ ഭാരവാഹികൾ കുറ്റപ്പെടുത്തി. ഫെബ്രുവരി 19നാണ് ദൃശ്യം 2 ആമസോൺ പ്രൈമിൽ റിലീസിനെത്തുന്നത്