Jailer | വെറും നാലേ നാല് ദിവസം; രജനിയുടെ ജെയ്‌ലറിന്റെ തിയേറ്റർ കളക്ഷൻ തുക പുറത്ത്

റെക്കോർഡുകൾ വീണ്ടും വീണ്ടും തകർക്കപ്പെടാനുള്ളതാണ് എന്നുറക്കെപ്രഖ്യാപിച്ച് രജനികാന്ത് (Rajinikanth) ചിത്രം 'ജെയ്‌ലർ' (Jailer). ഈ തലമുറ കണ്ട ഏറ്റവും വലിയ സൂപ്പർ താരങ്ങളിൽ ഒരാളാണ് താനെന്ന് രജനികാന്ത് ഓർമപ്പെടുത്തുന്ന, നെൽസൺ ദിലീപ്കുമാറിന്റെ 'ജെയ്‌ലർ' ശ്രദ്ധേയമായ പ്രകടനം മാത്രമല്ല ബോക്സ് ഓഫീസ് നേട്ടങ്ങളും സ്വന്തമാക്കിക്കഴിഞ്ഞു

Sacnilk.com അനുസരിച്ച്, ആദ്യ കണക്കുകൾ പ്രകാരം 'ജെയ്‌ലർ' ഇന്ത്യയിൽ നാലാം ദിവസം 33.25 കോടി രൂപ നേടിയിട്ടുണ്ട്. ഇത് ജെയ്‌ലറിന്റെ ഇന്ത്യയിലെ ബോക്‌സ് ഓഫീസ് കളക്ഷൻ 141.1 കോടി രൂപയായി ഉയർത്തി (തുടർന്ന് വായിക്കുക)

ലോകമെമ്പാടുമുള്ള കളക്ഷനിലൂടെ 'ജെയ്‌ലർ' വെറും നാല് ദിവസം കൊണ്ട് 250 കോടി ക്ലബ്ബിൽ ഇടം നേടിയതായി റിപ്പോർട്ട്. ചിത്രം യുഎസിൽ മികച്ച പ്രകടനം കാഴ്ചവച്ചതായി ട്രേഡ് അനലിസ്റ്റ് രമേഷ് ബാല വെളിപ്പെടുത്തി. 'ജെയ്‌ലർ ഇതുവരെ യു‌എസ്‌എയിൽ $830K നേടി' എന്നദ്ദേഹം ട്വീറ്റ് ചെയ്തു. ഇതോടെ ജയിലറിന്റെ യുഎസ് ബോക്‌സ് ഓഫീസ് കളക്ഷൻ 3.17 മില്യൺ ഡോളറായി

പുറത്തിറങ്ങിയതോടെ നിരവധി റെക്കോർഡുകളാണ് 'ജെയ്‌ലർ' തകർത്തത്. ഒന്നാം ദിവസം, രജനികാന്ത് ചിത്രം '2023-ൽ തമിഴ്‌നാട്ടിലെ ഏറ്റവും വലിയ ഓപ്പണിംഗ്', '2023-ലെ യു.എസ്.എയിലെ ഏറ്റവും വലിയ ഇന്ത്യൻ പ്രീമിയർ ', '2023-ലെ ഏറ്റവും വലിയ തമിഴ് ഓപ്പണർ ഓഫ് ഓവർസീസ്' എന്നിവയും മറ്റ് റെക്കോർഡുകൾക്കൊപ്പം രേഖപ്പെടുത്തി

രണ്ട് വർഷത്തെ ഇടവേളയ്ക്ക് ശേഷം സൂപ്പർ സ്റ്റാർ രജനികാന്ത് വെള്ളിത്തിരയിൽ തിരിച്ചെത്തുന്ന ചിത്രമാണ് ജെയ്‌ലർ.'അണ്ണാത്തെ' എന്ന ചിത്രത്തിലാണ് അദ്ദേഹം ഇതിനു മുൻപ് വേഷമിട്ടത്

രമ്യ കൃഷ്ണൻ, ജാക്കി ഷ്‌റോഫ്, വസന്ത് രവി, യോഗി ബാബു, റെഡിംഗ് കിംഗ്‌സ്‌ലി എന്നിവരും ജെയ്‌ലറിൽ അണിനിരക്കുന്നു. തമന്ന ഭാട്ടിയയുടെ ഊർജസ്വലമായ കാവാലാ എന്ന ഗാനത്തിലെ ആകർഷകമായ നൃത്തച്ചുവടുകളും ഇതിനകം ഇന്റർനെറ്റിൽ ട്രെൻഡായി മാറിക്കഴിഞ്ഞു