മലയാളത്തിലെ അനശ്വര നായകനെയും നായികയെയും സമ്മാനിച്ച ദമ്പതികൾ; അവരുടെ ചിത്രവുമായി കൊച്ചുമകൾ

'ഫ്യൂഡൽ തെമ്മാടി ഞങ്ങളെ വിട്ടുപിരിഞ്ഞിട്ട് 19 വർഷങ്ങൾ കഴിഞ്ഞു. ഞാൻ അദ്ദേഹത്തിനൊപ്പമെന്ന പോലെ ഏറ്റവുമധികം സമയം ചെലവഴിക്കാനും സംസാരിക്കാനും സ്നേഹിക്കാനും ആഗ്രഹിച്ച മറ്റൊരാളുമില്ല. താങ്കളുടെ കൊച്ചുമകൾ എന്ന് അഭിസംബോധന ചെയ്യുന്നതിൽ അഭിമാനവും അനുഗ്രഹവും തോന്നുന്നു. എവിടെയായിരുന്നാലും ഞാൻ തങ്ങളെ മിസ് ചെയ്യുന്നു, ചേർത്തുപിടിച്ചുള്ള ആ ആലിംഗനങ്ങൾ നഷ്ടമാവുന്നു.' മലയാള സിനിമയിലെ അനശ്വര നായകന് പ്രചോദനമായ ജീവിതത്തിലെ നായകന് കൊച്ചുമകൾ സമ്മാനിക്കുന്ന ഓർമ്മക്കുറിപ്പാണിത്

മലയാള സിനിമയിലെ കാലാതീതമായ ചില ചിത്രങ്ങളുടെ പട്ടികയിലാണ് ഈ മുത്തശ്ശനും മുത്തശ്ശിയും സ്ഥാനം പിടിച്ചത്. അവരുടെ മകൾ നർത്തകിയായപ്പോൾ, അടുത്ത തലമുറയിൽ നിന്നുമുള്ള കൊച്ചുമകൾ, നർത്തകിയും അഭിനേത്രിയുമായി. ആ കൊച്ചുമകളുടേതാണ് ഈ ബ്ലാക്ക് ആൻഡ് വൈറ്റ് ഓർമ്മകൾ (തുടർന്ന് വായിക്കുക)

ജീവിതത്തിലെ മംഗലശ്ശേരി നീലകണ്ഠനായ മുല്ലശ്ശേരി രാജഗോപാലിനും ഭാര്യ ലക്ഷ്മിക്കും പക്ഷെ മംഗലശ്ശേരി കാർത്തികേയനെ പോലെ മകനല്ല, മകളാണുള്ളത്. ആ മകളാണ് നാരായണി. നാരായണിക്കും ഒരു മകളാണ്

നാരായണിയുടെയും അനൂപ് അക്ബറിന്റേയും മകളായ നിരഞ്ജന അനൂപ് ആണ് ഈ ചിത്രത്തിൽ തന്റെ മുത്തച്ഛനൊപ്പമുള്ളത്. അപ്പൂപ്പന്റെ ഓർമ്മയുടെ 19 വർഷങ്ങൾക്ക് മുൻപിൽ നിരഞ്ജന നടത്തിയ അഞ്ജലിയാണ് ഈ ചിത്രങ്ങൾ

രാജഗോപാലും മകൾ നാരായണിയും ദേവാസുരം സംവിധാനം ചെയ്ത രഞ്ജിത്തിനൊപ്പം

ഇതാണ് മുല്ലശ്ശേരി തറവാട്

രാജഗോപാലിനും ലക്ഷ്മിക്കുമൊപ്പം ഭാനുമതിയായി അഭിനയിച്ച രേവതി

സിനിമയിലെ മംഗലശ്ശേരി നീലകണ്ഠനും ഭാനുമതിയും

രാജഗോപാലും ഭാര്യ ലക്ഷ്മിയും

മുല്ലശ്ശേരി രാജഗോപാൽ, ലക്ഷ്മി, നാരായണി എന്നിവർക്കൊപ്പം രഞ്ജിത്

നിരഞ്ജന അച്ഛൻ അനൂപിനും അമ്മ നാരായണിക്കുമൊപ്പം

നിരഞ്ജന അനൂപ് (ചിത്രം: ഇൻസ്റ്റഗ്രാം)