Ramesh Pisharody | അറിഞ്ഞില്ല, ആരും പറഞ്ഞില്ല; ക്യാപ്‌ഷൻ സിംഗം എന്ന് തെളിയിച്ച് രമേഷ് പിഷാരടി ഒരിക്കൽക്കൂടി

മലയാള സിനിമയിൽ ക്യാപ്‌ഷൻ അടിക്കാൻ രമേഷ് പിഷാരടിക്ക് ഒരു കോമ്പറ്റിഷൻ ഇല്ല. തന്റെ ഹാസ്യനുറുങ്ങുകൾ പോലെ ആർക്കും എളുപ്പം ചിന്തിച്ചെടുക്കാൻ കഴിയാത്ത  ലളിതവും രസകരവുമായ വാചകങ്ങൾ എപ്പോഴും പിഷാരടിയുടെ പോസ്റ്റുകളിൽ കാണാം. മാത്രവുമല്ല, മറ്റുള്ളവരുടെ പോസ്റ്റുകളിൽ കമന്റ് സെക്ഷനിൽ കേറി ഗോൾ അടിക്കാനും പിഷാരടി മുന്നിലുണ്ടാവും

പിഷാരടിയുടെ സ്ഥിരം ഗോൾ പോസ്റ്റ് കുഞ്ചാക്കോ ബോബന്റേതാണ്. ചാക്കോച്ചൻ എന്ത് പോസ്റ്റ് ചെയ്താലും പലരുടെയും കണ്ണെത്തുക കമന്റ് സെക്ഷനിലായിരിക്കും. അതും പിഷാരടി കമന്റ് ചെയ്‌തോ എന്ന് അറിഞ്ഞാൽ തൃപ്തിയായി. ഇപ്പോൾ ഇളയ മകനുമൊത്തു മരത്തിന്റെ മുകളിലേക്ക് നോക്കിയിരിക്കുന്ന സ്വന്തം ചിത്രത്തിന് ക്യാപ്‌ഷനുമായി വന്നിരിക്കുകയാണ് പിഷാരടി. അതിന് ട്രോളുമായി അശ്വതി ശ്രീകാന്തും ക്യാപ്‌ഷൻ അടിച്ചിട്ടുണ്ട് (തുടർന്ന് വായിക്കുക)

അച്ഛനും മകനും മുകളിലേക്ക് നോക്കിയിരിക്കുന്ന ചിത്രത്തിന് 'മുകൾ രാജവംശത്തിൽ പെട്ടവരാണെന്നു തോന്നുന്നു' എന്നാണ് പിഷാരടിയുടെ വാചകം. 'പൂർവിക സ്മരണ നല്ലതാണ്, മരച്ചുവട്ടിൽ ഇരിക്കുമ്പോൾ പ്രത്യേകിച്ചും' എന്നാണ് അശ്വതിയുടെ കൗണ്ടർ

ചിത്രത്തിന് റിമി ടോമി, ജ്യോത്സ്ന, സ്വേതാ മേനോൻ, മുന്ന തുടങ്ങിയ താരങ്ങളും പിഷാരടിയുടെ ഫോട്ടോയ്ക്ക് കമന്റ് ഇട്ടിട്ടുണ്ട്

പിഷാരടിയും ഭാര്യ സൗമ്യയും മൂന്നു മക്കളും

പിഷാരടിയുടെയും ഇളയ മകന്റെയും ഒരു ലോക്ക്ഡൗൺ കാഴ്ച