Salaar | ഒടിടിയിൽ റിലീസായി 250 ദിവസം പിന്നിട്ടിട്ടും ട്രെന്‍ഡിംഗിൽ തുടർന്ന് പ്രഭാസ്-പൃഥ്വിരാജ് ചിത്രം 'സലാർ'

പ്രഭാസും പൃഥ്വിരാജും പ്രധാന വേഷങ്ങളിെലത്തിയ ബ്ലോക്ബസ്റ്റർ ചിത്രമാണ് ‘സലാർ’. കെജിഎഫ് 2വിനു ശേഷം പ്രശാന്ത് നീൽ സംവിധാനം ചെയ്ത 'സലാർ' ഡിസംബർ 22നാണ് തിയറ്ററുകളിലെത്തിയത്.

ചിത്രം തിയറ്ററുകളിലെത്തി 28 ദിവസങ്ങൾക്കു ശേഷമാണ് ഒടിടിയിൽ റിലീസ് ചെയ്യുന്നത്. എന്നാൽ ഒടിടിയിലും തരംഗം സൃഷ്ടിച്ചിരിക്കുകയാണ് 'സലാർ'. ഒടിടിയിൽ റിലീസായി 250 ദിവസം പിന്നിട്ടിട്ടും ട്രെന്‍ഡിംഗിൽ തുടരുകയാണ് 'സലാർ'.

ഡിസ്നി ഹോട്ട്സ്റ്റാറിൽ(Disney+Hotstar) റിലീസ് ചെയ്ത് 250 ദിവസം പിന്നിട്ടിട്ടും ട്രെൻഡിംഗിൽ തുടർന്ന് ഡിജിറ്റലായി ഒരു റെക്കോർഡ് സൃഷ്ടിച്ചിരിക്കുകയാണ് ചിത്രം.

'ആക്ഷൻ്റെ കാര്യം വരുമ്പോൾ, പ്രഭാസ് അവൻ്റെ ബീസ്റ്റ് മോഡിലാണ്. സാലർ ദേവരഥ റൈസാറിന് ജന്മദിനാശംസകൾ', എന്നാണ് പ്രഭാസിൻ്റെ ജന്മദിനത്തോടനുബന്ധിച്ച്, സ്ട്രീമിംഗ് പ്ലാറ്റ്‌ഫോം അവരുടെ സോഷ്യൽ മീഡിയ ഹാൻഡിൽ പങ്കുവെച്ചത്.

തിയറ്റർ റിലീസിലൂടെ ചിത്രം റെക്കോർഡുകൾ സൃഷ്ടിച്ചപ്പോൾ, ടെലിവിഷൻ പ്രീമിയറിലും അത് തുടർന്നു. 2023-ന് ശേഷം ടിവിയിൽ പ്രീമിയർ ചെയ്യുന്ന ഏറ്റവും ഉയർന്ന റേറ്റിംഗ് ലഭിച്ച ഡബ്ബ് ചെയ്ത സിനിമയായി സലാർ മാറി.

തെലുങ്ക്, കന്നഡ, തമിഴ്, മലയാളം, ഹിന്ദി ഭാഷകളിൽ റിലീസ് ചെയ്തിരുന്ന ചിത്രം 650 കോടിയാണ് വാരിക്കൂട്ടിയത്. മലയാളത്തിലും ചിത്രം വലിയ വിജയമായിരുന്നു. ആദ്യ ദിന കളക്‌ഷനിലും ചിത്രം റെക്കോര്‍ഡിട്ടിരുന്നു.

കേരളത്തിൽ നിന്നുള്ള സലാറിന്റെ ആദ്യദിന കലക്‌ഷൻ 4.65 കോടിയായിരുന്നു. കർണാടക–11.60 കോടി. നോർത്ത് ഇന്ത്യ–18.6 കോടി. തമിഴ്നാട്–6.10 കോടി. ഇപ്പോൾ സലാറിന്റെ രണ്ടാം ഭാഗത്തിനായുള്ള കാത്തിരിപ്പിലാണ് പ്രേക്ഷകർ.