Delhi Violence: കുറ്റാരോപിതനായ താഹിർ ഹുസൈനെ പ്രാഥമികാംഗത്വത്തിൽ നിന്ന് പുറത്താക്കി AAP

ന്യൂഡൽഹി: ഇന്‍റലിജൻസ് ബ്യൂറോ ഉദ്യോഗസ്ഥൻ അങ്കിത് ശർമയുടെ കൊലപാതകത്തിൽ ആരോപണവിധേയനായ ആം ആദ്മി പാർട്ടി നേതാവ് താഹിർ ഹുസൈനെ പാർട്ടിയുടെ പ്രാഥമികാംഗത്വത്തിൽ നിന്ന് പുറത്താക്കി.

അങ്കിത് ശർമയുടെ കൊലപാതകത്തിൽ താഹിർ ഹുസൈന് പങ്കുണ്ടെന്നാണ് പൊലീസ് പറയുന്നത്.

[caption id="attachment_211601" align="aligncenter" width="875"] കൊലപാതകം, തീ വയ്പ്, അക്രമം തുടങ്ങിയ കുറ്റങ്ങൾ ചുമത്തിയാണ് താഹിറിനെതിരായി എഫ് ഐ ആർ രജിസ്റ്റർ ചെയ്തിരുന്നു. ഈ സാഹചര്യത്തിലാണ് താഹിർ ഹുസൈനെ പാർട്ടിയുടെ പ്രാഥമികാംഗത്വത്തിൽ നിന്ന് എ എ പി പുറത്താക്കിയത്. [/caption]

അങ്കിത് ശർമയുടെ പിതാവിന്‍റെ പരാതിയെ തുടർന്ന് ദയാൽപുർ പൊലീസ് സ്റ്റേഷനിലാണ് താഹിർ ഹുസൈനെതിരെ കേസ് രജിസ്റ്റർ ചെയ്തിരിക്കുന്നത്.

[caption id="attachment_211505" align="aligncenter" width="877"] പൗരത്വ നിയമത്തിനെതിരായ പ്രതിഷേധത്തിനിടെ ചൊവ്വാഴ്ചയാണ് ജഫ്രാബാദിൽ വീടിനു സമീപത്തെ ഓവുചാലിൽ അങ്കിതിന്‍റെ മൃതദേഹം കണ്ടെത്തിയത്. [/caption]

[caption id="attachment_211489" align="aligncenter" width="877"] ഇതിനു പിന്നാലെ താഹിര്‍ ഹുസൈനെതിരെ അങ്കിതിന്റെ പിതാവ് പരാതിയുമായെത്തി. താഹിറിന്റെ വീടിന്റെ മുകളിൽനിന്നുള്ള അക്രമ ദൃശ്യങ്ങളും പുറത്തു വന്നിരുന്നു. [/caption]

[caption id="attachment_102377" align="aligncenter" width="875"] അക്രമത്തിൽ ഉൾപ്പെട്ടവരാരും അവരുടെ രാഷ്ട്രീയ ചായ് വ് വെച്ച് ഒഴിവാക്കപ്പെടില്ലെന്നും ഇരട്ടിശിക്ഷ ലഭിക്കുമെന്നും മുഖ്യമന്ത്രി അരവിന്ദ് കെജ്രിവാൾ പറഞ്ഞതിനു തൊട്ടു പിന്നാലെയാണ് താഹിർ ഹുസൈനെ പ്രാഥമികാംഗത്വത്തിൽ നിന്ന് ഒഴിവാക്കിയത്. [/caption]

അതേസമയം, രണ്ട് സംഘങ്ങളായി ഡൽഹി കലാപത്തെക്കുറിച്ചുള്ള അന്വേഷണം പുരോഗമിക്കുകയാണ്. ഡൽഹി കലാപത്തിൽ ഇതുവരെ 38 പേരാണ് കൊല്ലപ്പെട്ടത്.