കശ്മീരിലെ കുങ്കുമപൂവ് മുതല്‍ കനൗജിലെ അത്തര്‍ വരെ; ലോക നേതാക്കള്‍ക്ക് പ്രധാനമന്ത്രി നല്‍കിയ സ്‌നേഹസമ്മാനങ്ങൾ

കശ്മീരിലെ കുങ്കുമപൂവ് മുതല്‍ ഉത്തര്‍പ്രദേശിലെ കനൗജില്‍ നിന്നുള്ള അത്തര്‍വരെയാണ് ജി20 ഉച്ചകോടിയിൽ പങ്കെടുക്കാനെത്തിയ ലോകനേതാക്കൾക്ക് പ്രധാനമന്ത്രി നരേന്ദ്രമോദി സമ്മാനിച്ചത്.

ഡാർജിലിംഗ് തേയിലയും നീലഗിരി ചായപ്പൊടിയും, സുഗന്ധ വസ്തുക്കളും, സുന്തര്‍ബനിലെ തേന്‍, കശ്മീരി പഷ്മിന ഷാള്‍, ഖാദി സ്‌കാര്‍ഫ്, കാഞ്ചീവരം, ബനാറസി പൊന്നാടകൾ, ജി 20 അധ്യക്ഷതയുമായി ബന്ധപ്പെട്ട് പുറത്തിറക്കിയ നാണയം, സ്റ്റാമ്പ്, അരക്കു കാപ്പിഎന്നവയെല്ലാം ഈ സമ്മാനങ്ങളിൽ ഇടംപിടിച്ചിട്ടുണ്ട്.

ഇന്ത്യയുടെ സമ്പന്നമായ സാംസ്‌കാരിക പാരമ്പര്യങ്ങളെക്കുറിച്ച് പ്രതിപാദിക്കുന്ന കരകൗശലവസ്തുക്കളുടെയും ഉല്‍പ്പന്നങ്ങളുമാണ് സമ്മാനപ്പെട്ടിയിൽ നിറച്ചതെല്ലാം.

ജി20യുടെ ഭാഗമായി മഹാത്മാഗാന്ധിയെ ആദരിച്ച് രാജ്ഘട്ടില്‍ പുഷ്പ ചക്രം അര്‍പ്പിക്കാന്‍ എത്തിയ എല്ലാ രാഷ്‌ട്രത്തലവന്മാരെ ഖാദി ഷാള്‍ അണിയിച്ചായിരുന്നു സ്വീകരിച്ചത്.

ഓസ്‌ട്രേലിയന്‍ പ്രധാനമന്ത്രിയുടെയും ബ്രസീല്‍ പ്രസിഡന്റിന്റെയും ഭാര്യമാര്‍ക്ക് കശ്മീരി പശ്മിന സ്‌കാര്‍ഫാണ് പ്രധാനമന്ത്രി സമ്മാനമായി നല്‍കിയത്.

ഇതിനെ പേപ്പര്‍ പള്‍പ്പ്, വൈക്കോല്‍, കോപ്പര്‍ സള്‍ഫേറ്റ് എന്നിവയുടെ മിശ്രിതത്തില്‍ നിര്‍മ്മിച്ചെടുത്ത പേപ്പിയര്‍ മാഷെ ബോക്‌സിലാണ് സമ്മാനിച്ചത്.

ഇന്തോനേഷ്യന്‍ പ്രസിഡന്റിന്റെ ജീവിതപങ്കാളിക്ക് കദം തടിപ്പെട്ടിയില്‍ അസം മേലങ്കി നല്‍കിയത്.

ഈ മേലങ്ങി കര്‍ണാടകയിലെ കരകൗശല വിദഗ്ധർ നിർമ്മിച്ച കദം മരപ്പെട്ടിയിലാണ് നല്‍കിയത്.

ഇതേ കദം തടി ജാളി പെട്ടിയില്‍ വച്ചാണ് കാഞ്ചീവരം പട്ടിലെപോന്നാട ജപ്പാന്‍ പ്രധാനമന്ത്രിയുടെ ഭാര്യക്ക് നരേന്ദ്രമോദി സമ്മാനമായി നല്‍കിയത്.

യുകെ പ്രധാനമന്ത്രി റിഷി സുനക്കിന്റെ ഭാര്യക്കായി ബനാറസി സ്‌റ്റോളാണ് പ്രധാനമന്ത്രി സമ്മാനമായി നല്‍കിയത്.

മൗറീഷ്യസ് പ്രധാനമന്ത്രിയുടെ ജീവിതപങ്കാളിക്ക് നല്‍കിയത് തേക്ക് തടി പെട്ടിയിലാണ് ഇക്കാട്ട് മേലങ്കി നല്‍കിയത്.

സ്‌പെയിന്‍ പ്രധാനമന്ത്രിയുടെ ജീവിതപങ്കാളിക്ക് ബനാറസി സില്‍ക്കില്‍ നിര്‍മിച്ച ഷാളാണ് സമ്മാനമായി നല്‍കിയത്.

കേരളത്തിലെ കരകൗശലവിദഗ്ധര്‍ കരിമരം കൊണ്ടുണ്ടാക്കിയ ജാളി പെട്ടിയിലാണ് ഷാള്‍ പ്രധാനമന്ത്രി സമ്മാനിച്ചത്.