Assembly Election 2022| മണി മണി പോലെ തെരഞ്ഞെടുക്കുമോ മണിപ്പൂർ?

അഞ്ച് സംസ്ഥാനങ്ങളിലെ തെരഞ്ഞെടുപ്പ് ഫലം വരാന്‍ മണിക്കൂറുകള്‍ മാത്രം ബാക്കിനില്‍ക്കുമ്പോള്‍ മണിപ്പൂരില്‍ വലിയ ആകാംക്ഷയാണ് നിലനില്‍ക്കുന്നത്. ഇവിടെ ഇഞ്ചോടിഞ്ച് പോരാട്ടവുമാണ് എക്‌സിറ്റ് പോള്‍ പ്രവചിക്കുന്നത്. കോണ്‍ഗ്രസ് തിരിച്ച് വരുമോ ? മണിപ്പൂരിന്റെ മനസ്സ് ആരുടെ കൂടെയെന്ന് നാളെ അറിയാം

1956ൽ കേന്ദ്രഭരണ പ്രദേശമായി പ്രഖ്യാപിക്കപ്പെട്ട മണിപ്പൂർ 1972 ജനുവരി 21 നാണ് സംസ്ഥാനമായി മാറിയത്. മുഹമ്മദ് അലിമുദ്ദീൻ ആയിരുന്നു മണിപ്പൂർ സംസ്ഥാനത്തിന്റെ ആദ്യ മുഖ്യമന്ത്രി. 22,347 ചതുരശ്ര കിലോമീറ്ററാണ് സംസ്ഥാനത്തിന്റെ ആകെ വിസ്തീർണം.

സംസ്ഥാനത്ത് ജനസംഖ്യയിൽ ‌17.89 ശതമാനം പേരും ദരിദ്രരാണ്.

മണിപ്പൂരിന്റ പ്രതിശീർഷ ആഭ്യന്തര ഉൽപാദന നിരക്ക് (Per Capita NSDP) 53,930 ആണ്.

മണിപ്പൂരിലെ തൊഴിലില്ലായ്മ നിരക്ക് ഗ്രാമപ്രദേശങ്ങളിൽ ആയിരത്തിൽ 50 ആണ്. നഗരപ്രദേശങ്ങളിൽ 92 ശതമാണ്. കണക്കുകൾ സൂചിപ്പിക്കുന്നു

ജനസംഖ്യയുടെ 5.3 ശതമാനം പേരും ആറാം ക്ലസിന് താഴെ വിദ്യാഭ്യാസയോഗ്യതയുള്ളവരാണെന്ന് കണക്കുകൾ പറയുന്നു

സംസ്ഥാനത്ത് 60 ശതമാനം ആളുകളും വീട്ടില്‍ നിന്ന് 30 മിനിട്ട് നടന്നാണ് 2015- 16 വര്‍ഷത്തില്‍ ജലം കൊണ്ടു വന്നിരുന്നത്. എന്നാല്‍ 2019-20 വര്‍ഷത്തില്‍ ഇത് 28.50 ശതമാനമായി കുറയ്ക്കാന്‍ സാധിച്ചു.വൈദ്യുതിയില്ലാത്ത വീടുകളുടെ എണ്ണം 7.31 ശതമാനത്തില്‍നിന്ന് 1.90 ശതമാനമായി കുഞ്ഞതായും കണക്കുകള്‍ സൂചിപ്പിക്കുന്നു

മണിപ്പൂരിൽ പാചകത്തിനായി കൂടുതൽ ഉപയോഗിച്ചിരുന്നത് വിറക് അടുപ്പായിരുന്നു. 2015-16 വർഷത്തിൽ ഇതിന്റെ ഉപയോഗം 58.93 ആയിരുന്നത് 2019-20 വർഷത്തിൽ 28.70 ശതമാനമായി കുറയ്ക്കാൻ സാധിച്ചു.

2017ലെ നിയമസഭാ തെരഞ്ഞെടുപ്പിൽ സംസ്ഥാനത്തെ  കക്ഷി നില ഇങ്ങനെയായിരുന്നു. ആകെയുള്ള 60 സീറ്റുകളിൽ 21 എണ്ണം ബിജെപി നേടി. കോൺഗ്രസ് 28 . എന്നാൽ ഏറ്റവും വലിയ ഒറ്റ കക്ഷിയായിട്ടും കോൺഗ്രസിന് കഴിഞ്ഞ തവണ മണിപ്പൂർ ഭരിക്കാൻ കഴിഞ്ഞില്ല. ഇത്തവണ ബിജെപി തുടർഭരണം സ്വന്തമാക്കുമോ?