ടോർച്ച് വേണ്ട, കൂൺ ഉണ്ട്! റാണിപുരം റിസർവ് വനത്തിലെ പ്രകാശം പൊഴിക്കുന്ന അപൂർവ്വയിനം കൂണുകൾ

Published by:Warda Zainudheen
local18

Last Updated:June 22, 2024 12:20 PM IST

കേരളത്തിലെ ജൈവ വൈവിധ്യത്തിന്റെ അത്ഭുതങ്ങൾ അവസാനിക്കുന്നില്ല! കാസർഗോഡ് റാണിപുരം റിസർവ് വനത്തിൽ നടത്തിയ സർവേയിൽ രാത്രിയിൽ പ്രകാശം പൊഴിക്കുന്ന അപൂർവ്വ കൂണുകൾ കണ്ടെത്തി. രാസപ്രവർത്തനത്തിലൂടെ പച്ച വെളിച്ചം പുറന്തള്ളുന്ന ഈ കൂണുകൾ പ്രകൃതിയുടെ അത്ഭുതകാഴ്ച തന്നെയാണ്.

1/6

കാസര്‍ഗോഡ് റാണിപുരം റിസർവ് വനത്തിലെ പ്രകാശിക്കുന്ന കൂണുകളാണ് ഇപ്പോൾ താരം. വനംവകുപ്പ് നടത്തിയ സര്‍വേയിലാണ് ഈ അപൂര്‍വ്വ കൂണുകള്‍ കണ്ടെത്തിയത്.

2/6

രാത്രിയില്‍ പച്ച വെളിച്ചം പൊഴിക്കുന്ന ബയോ ലൂമിനസെന്‍റ് കൂണുകള്‍. ഇതിൻ്റെ ശാസ്ത്രീയ നാമം ഫൈലോബൊളീറ്റസ് മാനിപ്പുലാരിസ് എന്നാണ്. ഇലക്ട്രിക് കൂണുകളെന്നും വിളിപ്പേരുണ്ട്. രാസപ്രവർത്തനത്തിലൂടെ പ്രകാശം ഉത്പാദിപ്പിക്കുന്ന ഈ കൂണുകള്‍ അത്യപൂര്‍വ്വമാണ്.

3/6

റാണിപുരം വനമേഖലയില്‍ കേരള വനംവകുപ്പും മഷ്റൂംസ് ഓഫ് ഇന്ത്യ കമ്യൂണിറ്റിയും ചേര്‍ന്ന് നടത്തിയ സര്‍വ്വേയിലാണ് കൂണുകളെ കണ്ടെത്തിയത്. റാണിപുരം വനമേഖലയിൽ നടത്തിയ സർവേയിൽ 50-തോളം കൂൺ ഇനങ്ങളെയാണ് കണ്ടെത്തി.

4/6

നിറത്തിലും ആകൃതിയിലും വേറിട്ടവയാണ് ഇവയെല്ലാം. ഇതിൽ ഭക്ഷ്യയോഗ്യവും അല്ലാത്തതുമായ കൂണുകൾ ഇതിൽ ഉൾപ്പെടുന്നു. അന്‍പതോളം കൂണ്‍ ഇനങ്ങളാണ് റാണിപുരത്തെ സര്‍വ്വേയില്‍ രേഖപ്പെടുത്തിയത്.

5/6

തക്കാളിയുടെ ആകൃതിയുള്ള ടൊമാട്ടോ മഷ്റൂം, പൂവ് പോലെ തോന്നിക്കുന്ന പൊറോണിയ നാഗരഹോളന്‍സിസ്, കിളിക്കൂടിന്‍റെ ആകൃതിയിലുള്ള സിയാത്തസ് ഇങ്ങനെ നീളുന്നു കൂണിനങ്ങള്‍. കൂൺ പരാഗണത്തിന്റെ മനോഹര ദൃശ്യങ്ങളും സർവേ സംഘം പകർത്തിയിട്ടുണ്ട്.

6/6

<br />കൂടുതൽ പ്രദേശങ്ങളിലേക്ക് സർവേ വ്യാപിപ്പിക്കാനാണ് വനംവകുപ്പ് തീരുമാനിച്ചിരിക്കുന്നത്. ഈ അപൂർവ്വ കൂണുകളെക്കുറിച്ച് കൂടുതൽ വിവരങ്ങൾ ശേഖരിക്കുകയും അവയുടെ സംരക്ഷണത്തിനുള്ള നടപടികൾ സ്വീകരിക്കുകയും ചെയ്യുക എന്നതാണ് ലക്ഷ്യം.

കൂടുതൽ പ്രദേശങ്ങളിലേക്ക് സർവേ വ്യാപിപ്പിക്കാനാണ് വനംവകുപ്പ് തീരുമാനിച്ചിരിക്കുന്നത്. ഈ അപൂർവ്വ കൂണുകളെക്കുറിച്ച് കൂടുതൽ വിവരങ്ങൾ ശേഖരിക്കുകയും അവയുടെ സംരക്ഷണത്തിനുള്ള നടപടികൾ സ്വീകരിക്കുകയും ചെയ്യുക എന്നതാണ് ലക്ഷ്യം.

ടോർച്ച് വേണ്ട, കൂൺ ഉണ്ട്! റാണിപുരം റിസർവ് വനത്തിലെ പ്രകാശം പൊഴിക്കുന്ന അപൂർവ്വയിനം കൂണുകൾ

ഫോട്ടോ

പ്രധാനപ്പെട്ട വാർത്ത