കാലാവധി കഴിഞ്ഞ് കട്ടപ്പുറത്തായ ബസുകള്‍ക്കും ആവശ്യം; രൂപമാറ്റം വരുത്തിയ KSRTC ബസുകൾ ഇനി കടകളാകും

പൊളിച്ചു മാറ്റാന്‍ ഇട്ടിരുന്ന കെഎസ്ആര്‍ടിസി ബസുകള്‍ കടകളാകുന്നു. 92 ഡിപ്പോകളിലും ഉപയോഗ ശൂന്യമായ ബസുകള്‍ കടകളായി മാറ്റാനുള്ള നടപടി ക്രമങ്ങള്‍ ആരംഭിച്ചു.

മില്‍മ പാല്‍ മുതല്‍ പച്ചക്കറി കിറ്റുകള്‍ വരെ ഇവിടെ നിന്ന് ലഭിക്കും

കാലാവധി കഴിഞ്ഞ് കട്ടപ്പുറത്തായ ഒരു ബസാണ് ഇത്. ദിവസങ്ങള്‍ക്കുള്ളില്‍ മില്‍മയുടെ ഷോപ്പായി മാറും.

കാലപ്പഴക്കം ചെന്ന് ഉപയോഗ ശൂന്യമായ ബസുകള്‍ക്ക് രൂപമാറ്റം വരുത്തിയാണ് ഷോപ്പുകളായി മാറ്റുന്നത്.

92 ഡിപ്പോകളിലും കാലാവധി കഴിഞ്ഞ 150 ബസുകള്‍ കടകളായി മാറ്റും. 'കെഎസ്ആര്‍ടിസി സേഫ് ടു ഈറ്റ്' എന്നാണ് പദ്ധതിയുടെ പേര്

മില്‍മയ്ക്ക് പുറമെ ഹോര്‍ട്ടികോര്‍പ്, കെപ്‌കൊ, മത്സ്യഫെഡ്, മീറ്റ് പ്രോഡക്ട്‌സ് ഓഫ് ഇന്ത്യ തുടങ്ങിയ സ്ഥാപനങ്ങളും ഉടന്‍ കെഎസ്ആര്‍ടിസി ബസുകളില്‍ വില്‍പനശാലകള്‍ തുടങ്ങും.

കരാര്‍ അടിസ്ഥാനത്തില്‍ മാസ വാടകയ്ക്കാണ് ഇവ നല്‍കുന്നത്. വാടക ഇനത്തില്‍ 30 ലക്ഷവും, ഡെപ്പോസിറ്റ് ഇനത്തില്‍ 3 കോടി രൂപയും സമാഹരിക്കുകയാണ് കെഎസ്ആര്‍ടിസി ലക്ഷ്യമിടുന്നത്

തിരുവനന്തപുരം സിറ്റി ഡിപ്പൊയിലെ മിൽമയുടെ ബസ് കട ഈ ആഴ്ച തന്നെ പ്രവർത്തനം ആരംഭിക്കും. ബസിനെ രൂപമാറ്റം വരുത്തുന്നത് അവസാനഘട്ടത്തിലെത്തി.

മിൽമയ്ക്ക് വേണ്ടി  യക്ഷി ക്രിയേറ്റേർസിന്റെ സാബുലാലാണ് ഷോപ്പ് രൂപകൽപന ചെയ്തത്.