പാലക്കാട് നിന്ന് രണ്ടാമത്തെ ട്രെയിൻ ഉത്തർപ്രദേശിലേക്ക്; 1435 അതിഥി തൊഴിലാളികൾ നാട്ടിലേക്ക് മടങ്ങി
ആറ് ചപ്പാത്തി, വെജിറ്റബിള് കറി, ഒരു പാക്കറ്റ് ബ്രെഡ്, 200 ഗ്രാം ജാം, നാല് കുപ്പി വെള്ളം എന്നിവയടങ്ങുന്ന കിറ്റാണ് ഓരോ തൊഴിലാളികള്ക്കും നല്കിയത്.
News18 Malayalam | May 20, 2020, 10:42 PM IST
1/ 5
പാലക്കാട് ജില്ലയില് നിന്നും അതിഥി തൊഴിലാളികളുമായുള്ള രണ്ടാമത്തെ ട്രെയിന് ഉത്തര്പ്രദേശിലെ ലക്നൗവിലേയ്ക്ക് യാത്ര തിരിച്ചു. 1435 തൊഴിലാളികളുമായി പാലക്കാട് ജംഗ്ഷന് റെയില്വേ സ്റ്റേഷനില് നിന്നാണ് ട്രെയിന് പോയത്.
2/ 5
ഒറ്റപ്പാലം, പട്ടാമ്പി, ഷൊർണൂർ തുടങ്ങി ജില്ലയിലെ വിവിധ ഭാഗങ്ങളിലായുള്ള തൊഴിലാളികളെ ആറ് താലൂക്ക് കേന്ദ്രങ്ങളിലായി തഹസില്ദാര്മാരുടെ നേതൃത്വത്തില് രജിസ്ട്രേഷനും മെഡിക്കല് പരിശോധനയും നടത്തിയാണ് വിട്ടയച്ചത്.
3/ 5
അതിഥി തൊഴിലാളികള്ക്കും മെഡിക്കല് പരിശോധന ഉറപ്പ് വരുത്തി സര്ട്ടിഫിക്കറ്റ് നല്കി. ഒറ്റപ്പാലം സബ് കളകടർ അർജുൻ പാണ്ഡ്യൻ , അസിസ്റ്റൻറ് കളക്ടർ ചേതൻ കുമാർ മീണ, എസ് പി ശിവ വിക്രം എന്നിവർ ചേർന്ന് അതിഥി തൊഴിലാളികളെ യാത്രയാക്കി.
4/ 5
ലക്നൗവിലേയ്ക്ക് പോയ അതിഥി തൊഴിലാളികള്ക്ക് നാട്ടില് തിരിച്ചെത്തുന്നത് വരെയുള്ള ഭക്ഷ്യകിറ്റും നല്കുകയുണ്ടായി. തഹസില്ദാരുടെ നേതൃത്വത്തില് അതത് താലൂക്ക് കേന്ദ്രങ്ങളില് ഉച്ചഭക്ഷണവും തൊഴില് വകുപ്പിന്റെ നേതൃത്വത്തില് റെയില്വേ സ്റ്റേഷനില് ഭക്ഷ്യസാധങ്ങളടങ്ങിയ കിറ്റുമാണ് വിതരണം ചെയ്തത്.
5/ 5
ആറ് ചപ്പാത്തി, വെജിറ്റബിള് കറി, ഒരു പാക്കറ്റ് ബ്രെഡ്, 200 ഗ്രാം ജാം, നാല് കുപ്പി വെള്ളം എന്നിവയടങ്ങുന്ന കിറ്റാണ് ഓരോ തൊഴിലാളികള്ക്കും നല്കിയത്.
