കോഴിക്കോട് കാര്‍ മതിലിൽ ഇടിച്ചുകയറി സുന്നി യുവജന സംഘം നേതാവിന്റെ മകൻ മരിച്ചു

കോഴിക്കോട്: നാദാപുരം - തലശ്ശേരി സംസ്ഥാന പാതയിൽ കുഞ്ഞിപ്പുര മുക്കിൽ കാർ മതിലിൽ ഇടിച്ചു കയറി വിദ്യാർത്ഥി മരിച്ചു.

സുന്നി യുവജന സംഘം നേതാവും എസ് എസ് എഫ് മുൻ സംസ്ഥാന പ്രസിഡന്റുമായ റാഷിദ് ബുഖാരിയുടെ മകൻ ഇരിങ്ങണ്ണൂർ സ്വദേശി സി കെ മുഹമ്മദ് സിനാൻ ( 17 ) ആണ് മരിച്ചത്.

ചൊവ്വാഴ്ച രാത്രി 12 മണിക്കാണ് അപകടം. മൃതദേഹം ജില്ലാ ആശുപത്രി മോർച്ചറിയിലേക്ക് മാറ്റി.

അപകടത്തിൽ കാറിന്റെ മുൻ വശം പൂർണമായി തകർന്നു.

അപകടത്തിൽ പരിക്കേറ്റ സഹയാത്രികനെ കോഴിക്കോട് സ്വകാര്യ ആശുപത്രിയിൽ പ്രവേശിപ്പിച്ചു.