തിരുവനന്തപുരം ലുലുവിലെ റമദാൻ കാഴ്ച്ചകൾ

ഇസ്‌ലാം വിശ്വാസികൾ വളരെ പവിത്രമായി പരിഗണിക്കുന്ന ഒരു മാസമാണ് റമദാൻ. റമദാനോട് അനുബന്ധിച്ച് ലുലുവിൽ വലിയ ഒരുക്കങ്ങളാണ് സജ്ജമാക്കിയിരിക്കുന്നത്. അനന്തപുരിയിയുടെ ഇഷ്ട ഷോപ്പിംഗ് ഡെസ്റ്റിനേഷൻ ആയി മാറിയ ലുലുവിൽ റംസാൻ മാസത്തിലും തിരക്ക് ഏറെയാണ്.

ലുലു ഹൈപ്പർ മാർക്കറ്റിൽ പ്രത്യേക ഇഫ്താർ കൗണ്ടർ സജ്ജീകരിച്ചിട്ടുണ്ട്. നോമ്പു കഞ്ഞി, മട്ടൻ ബിരിയാണി, സമൂസ, തുടങ്ങി വ്യത്യസ്ത വിഭവങ്ങൾ ഇവിടെ ലഭിക്കും.

ഇഫ്താറിൽ ഏറ്റവും പ്രത്യേകതയുള്ള വിഭവം ഈന്തപ്പഴമാണ്. റമദാനിൽ മറ്റുള്ളവരെ നോമ്പുതുറപ്പിക്കുന്നതും വിശ്വാസികൾ സംഘടിതമായി നോമ്പുതുറക്കുന്നതും പുണ്യകരമായ കാര്യമാണ്. വ്രതാനുഷ്ഠാനം കൊണ്ട് അര്‍ഥമാക്കുന്നത് വിശപ്പും ദാഹവും സഹിക്കല്‍ മാത്രമല്ല, കാഴ്ചയും കേള്‍വിയും സംസാരവും ചിന്തയും വികാരങ്ങളും വിചാരങ്ങളും എല്ലാം ദൈവഹിതത്തിനനുസരിച്ചായിരിക്കുക എന്നതാണ്.

ഇസ്ലാം പടുത്തുയർത്തിയിരിക്കുന്നത് അഞ്ച് കാര്യങ്ങളിലാണ്. ആ അഞ്ച് കാര്യങ്ങളും ഓരോ മുസ്ലിമും പ്രവർത്തിക്കേണ്ടതുമാണ്. അവയിൽ പ്രധാനപ്പെട്ട ഒരു കർമ്മമാണ് വ്രതാനുഷ്ഠാനം. പാരസ്പര്യത്തെയും സൗഹാര്‍ദത്തെയും ശക്തിപ്പെടുത്താനുള്ള മികച്ച ഉപാധികളാണ് ഇഫ്താറുകൾ.

റമദാൻ വ്രതമനുഷ്ഠാനത്തിൻ്റെ പരിസമാപ്തി കുറിച്ച് ഈദുൽ ഫിത്‌ർ അഥവാ ചെറിയ പെരുന്നാൾ എത്തും. അതിനാൽ റമദാൻ മാസമുടനീളം ആചരിച്ച നോമ്പിൻ്റെ പൂർത്തികരണത്തിനൊടുവിലുള്ള നോമ്പുതുറയാണ് ഈദുൽ ഫിത്‌ർ എന്നത് പ്രതിനിധാനം ചെയ്യുന്നത്.