അരുവിത്തുറ പള്ളി തിരുനാളിന് കൊടിയേറി; ഭക്തിനിര്‍ഭരമായി 101 പൊന്നിന്‍കുരിശുകളുടെ നഗരപ്രദക്ഷിണം

കേരളത്തിലെ പ്രമുഖ ക്രൈസ്തവ ദേവാലയമായ അരുവിത്തുറ സെന്‍റ്.ജോര്‍ജ് പള്ളിയില്‍ വിശുദ്ധ ഗീവര്‍ഗീസ് സഹദായുടെ തിരുനാളിന് കൊടിയേറി. 101 പൊന്നിന്‍കുരിശുകളും ഇടവക പള്ളികളിലെ പൊന്നിന്‍കുരിശുകളും അണിനിരന്ന ഭക്തിനിര്‍ഭരമായ നഗരപ്രദക്ഷിണത്തോടെയാണ് തിരുനാള്‍ ചടങ്ങുകള്‍ക്ക് തുടക്കമായത്.

വികാരി ഫാ. അഗസ്റ്റിൻ പാലയ്ക്കപ്പറമ്പിൽ കൊടിയേറ്റി. തുടർന്നു നടന്ന പുറത്തുനമസ്‌കാരത്തിന് പാലാ രൂപതാധ്യക്ഷൻ മാർ ജോസഫ് കല്ലറങ്ങാട് മുഖ്യകാർമികത്വം വഹിച്ചു.

വികാരി ഫാ. അഗസ്റ്റിൻ പാലയ്ക്കപ്പറമ്പിൽ, സഹവികാരിമാരായ സെബാസ്റ്റ്യൻ നടുത്തടം, ഫാ. ആന്റണി തോണക്കര, ഫാ. ഡിറ്റോ തോട്ടത്തിൽ, ഫാ. ബിജു കുന്നക്കാട്ട്, ഫാ. ജോസഫ് മൂക്കൻതോട്ടത്തിൽ, ഫാ. പോൾ നടുവിലേടം, ഫാ. മാത്യു വെണ്ണായിപ്പള്ളിൽ, ഫാ. അഗസ്റ്റിൻ കണ്ടത്തിൽകുടി എന്നിവർ സഹകാർമികരായി

കൈക്കാരന്മാരായ ജോസഫ് എമ്പ്രയിൽ, ജോസ്മോൻ കണ്ടത്തിൻകര, ജോണി പുല്ലാട്ട്, ബിജു കല്ലാച്ചേരിൽ, ജനറൽ കൺവീനർ അരുൺ താഴത്തുപറമ്പിൽ, നഗര പ്രദക്ഷിണ കൺവീനർ ഡോ. റെജി വർഗീസ് മേക്കാടൻ, പ്രദക്ഷിണ കമ്മിറ്റി കൺവീനർ ചാക്കോച്ചൻ പ്ലാത്തോട്ടം, ജോജി തടിക്കൻ, ജോർജ് മൂഴിയാങ്കൽ, ഡോ. ആൻസി വടക്കേച്ചിറയാത്ത്, സിജി ലൂക്സൺ, മോളി തെങ്ങുംമൂട്ടിൽ, തിരുനാൾ പ്രസുദേന്തി ജോസ് കുര്യൻ ചോങ്കര തുടങ്ങിയവർ  തിരുനാളിന് നേതൃത്വം നൽകും.

101 പൊൻകുരിശുകളോടൊപ്പം തൊട്ടടുത്ത ഇടവക പള്ളികളിലെ കുരിശുകളും അണിനിരന്ന നഗരപ്രദക്ഷിണം തിരുനാള്‍ കൊടിയേറ്റിന് മാറ്റുകൂട്ടി. ദൈവ വിശ്വാസം പ്രഖ്യാപിക്കുന്നതിനും മനുഷ്യ സ്നേഹത്തിന്റെയും സാഹോദര്യത്തിന്റെയും സന്ദേശം നൽകുന്നതിനു വേണ്ടിയാണ് നഗരപ്രദക്ഷിണം നടത്തിയതെന്ന് ഭാരവാഹികള്‍ പറഞ്ഞു.

അരുവിത്തുറ ഇടവകാംഗങ്ങളുടെയും സമീപ ഇടവകളിലെ വിശ്വാസികളുടെയും നേതൃത്വത്തിലായിരുന്നു പ്രദക്ഷിണം. ഞായറാഴ്ച രാവിലെ 6.45-നും എട്ടിനും കുർബാന, 9.30-ന് തിരുസ്വരൂപ പ്രതിഷ്ഠ, 10-ന് പാലാ രൂപതാധ്യക്ഷൻ മാർ ജോസഫ് കല്ലറങ്ങാട്ട് സുറിയാനി കുർബാനയർപ്പിച്ച് സന്ദേശം നൽകും

തുടർന്ന് 12-നും 1.30-നും 2.45-നും കുർബാന. 4.30-ന് ചങ്ങനാശ്ശേരി അതിരൂപത മെത്രാപ്പൊലീത്ത മാർ ജോസഫ് പെരുന്തോട്ടം കുർബാനയർപ്പിക്കും. ആറിന് തിരുനാൾ പ്രദക്ഷിണം.

പ്രധാന തിരുനാൾദിനമായ തിങ്കളാഴ്ച 10.30-ന് തിരുനാൾ റാസ, 12.30-ന് പകൽ പ്രദക്ഷിണം. രാവിലെ 5.30-നും 6.45-നും എട്ടിനും മൂന്നിനും നാലിനും 5.15-നും 6.30-നും കുർബാന, ചൊവ്വാഴ്ച രാവിലെ 5.30-നും 6.45-നും എട്ടിനും 9.30-നും 10.30-നും 12-നും 1.30-നും 2.45-നും നാലിനും 5.30-നും കുർബാന, ഏഴിന് തിരുസ്വരുപ പുനഃപ്രതിഷ്ഠ.

അരുവിത്തുറ പള്ളി തിരുനാളിനോട് അനുബന്ധിച്ച് നടന്ന നഗരപ്രദക്ഷിണം

അരുവിത്തുറ പള്ളി തിരുനാളിനോട് അനുബന്ധിച്ച് നടന്ന നഗരപ്രദക്ഷിണം