'ബാർബർ ഷോപ്പ്' ബിസിനസുമായി വിജയ് യേശുദാസ്; ഹൈ എൻഡ് പ്രീമിയം ഷോപ്പ് കൊച്ചിയിൽ

ഗായകൻ വിജയ് യേശുദാസ് പുതിയൊരു ബിസിനസ് മേഖലയിലേക്ക് കടക്കുന്നു. യു.എസ് ആസ്ഥാനമായി പ്രവർത്തിക്കുന്ന ചോപ്പ് ഷോപ്പ് എന്ന ലോകോത്തര ബ്രാൻഡിലൂടെയാണ് വിജയ് സംരംഭകനാകുന്നത്.

പുരുഷന്മാർക്കും ആൺകുട്ടികൾക്കും മാത്രമായി കൊച്ചിയിലാണ് ഹൈ എൻഡ് പ്രീമിയം ബാർബർഷോപ്പ് ആൻഡ് ലൈഫ് സ്റ്റൈൽ ബ്രാൻഡ് വിജയ് തുടങ്ങിയത്.

വിദേശരാജ്യങ്ങളിൽ പരിചിതമായ  ഹൈ എൻഡ് പ്രീമിയം ബാർബർഷോപ്പ് ആൻഡ് ലൈഫ് സ്റ്റൈൽ ബ്രാൻഡാണ് ചോപ്പ് ഷോപ്പ് . ഈ ബ്രാൻഡിന്റെ സൗത്ത് ഇന്ത്യയിലുള്ള പ്രവർത്തനമാണ് വിജയ് യേശുദാസ്, വിജയ് മൂലൻ, അനസ് നസീർ എന്നിവർ ചേർന്ന് ഏറ്റെടുത്തിരിക്കുന്നത്.

ഇന്ത്യയിൽ ഗോവയിൽ മാത്രമാണ് ചോപ്പ് ഷോപ്പ്  പ്രവർത്തിച്ചിരുന്നത്.